9 май -  Җиңү көне  якынлашканда   без балалар белән Бөек  Ватан сугышы ветераны Насыйбуллин Илдус бабай  белән очрашуга бардык. Тормышта төрле хәлләрне күргән, ләкин сынмаган, сыгылмаган  кыю ир кеше ул.Илдус бабайга матур теләкләр теләдек, бәйрәм белән котлап үз кулларыбыз белән ясалган котлау открыткасы, күчтәнәчләр тапшырдык.Шулай ук аның бакчасындагы, капка төбендәге, ишек алдындагы чүпләрне җыеп, себереп, тырмалап алдык.Илдус бабай үз чиратында безгә рәхмәт укып, тәм-томнар белән сыйлады.
Без  ветераннарыбыз белән чиксез горурланабыз. Аларның батырлыгы, түземлеге, кыюлыгы алдында баш иябез.

Бөек Җиңүнең  81 еллыгына багышланган "Җиңү тәрәзәләре" Бөтенроссия акциясендә
катнашып, балалар ветераннарга һәм Бөек Җиңүне якынайткан һәркемгә рәхмәт һәм ихтирам белдерәләр!

Ул "Безнең Геройлар янәшәдә яши" дип атала.
Яз җитү белән һәйкәлләрне карау һәм тәртипкә китерү- һәрберебезнең бурычы. Чиста һәйкәл – үткәнгә, тарихка рәхмәт белдерү, ансыз киләчәк юк. Безнең изге бурычыбыз – яшәүче ветераннарны гына түгел, инде безнең арада булмаганнарны да кайгырту, хәтерне саклау һәм Бөек Җиңү тарихын киләчәк буыннарга тапшыру.
Һәйкәлне төзекләндерү – сугышны үткән буын алдында, аларның батырлыгы һәм ныклыгы алдында хөрмәт белдерү. Бу – безнең эшләребезнең кечкенә генә бер өлеше, авылыбызның киләчәген кайгырту, яшь буынның бабаларыбыз хәтерен хөрмәт итүе өчен. Безнең төп бурычыбыз – бу хәтерне еллар буена саклап калу.
Бүген без балалар белән һәйкәл тирәсендәге территорияне тәртипкә китердек, чистарттык. Барысы да күтәренке күңел белән эшләде. Кемдер яфрак җыйды, кемдер аны өемнәргә туплады, кемдер капчыкларга салды. Эшләренең нәтиҗәсен күрү, балалар өчен бик күңелле, горурлык булды, һәркем бу эшкә үз өлешен, җылысын кертте.
Мондый чаралар яшь буынга ватанпәрвәрлек хисләрен тәрбияли. Үз тормышлары бәясе белән, безгә тынычлык һәм ирек бүләк иткән ветераннарыбызны хөрмәтлибез, аларга чиксез рәхмәтлебез.

Көннәр җылы, күктә алсу
Нур сибеп кояш көлә,
Җәйге шатлык, көзге бәхет
Яз белән бергә килә.
 

Габдулла Тукайның әсәрләрен сәнгатьле сөйләү район бәйгесендә катнашып,катнашучы дипломы белән бүләкләнгән Исхакова Зәлияне чын күңелебездән котлыйбыз. Алдагы бәйгеләрдә дә зур уңышлар теләп калабыз!

Балаларга экологик тәрбия бирү көндәлек аралашу, саф һавада йөрү вакытында, төрле уеннар, әңгәмәләр, балалар бакчасында балаларга тәрбия һәм белем бирүнең төп формасы булган эшчәнлекләр аша алып барыла. Үзең яшәгән, эшләгән урыныңны чиста тотарга тырышу, өмәләрендә үз өлешеңне кертү - һәркемнең бурычы. Без дә балалар бакчасы мәйданчыгын һәм аның тирә-ягын чистарту буенча актив эшчәнлекне дәвам иттек. Бүген безгә балалар да кушылды. Иске яфрак, үләннәрне тырмаладылар,корыган куак ботакларын чистартып,себереп куйдылар. Бакчабыз территориясе чиста, матур булды. “Эш беткәч, уйнарга ярый.” дигән бит борынгылар.Шул мәкальгә таянып эшләгәннән соң, уен мәйданчыгына юнәлдек. 

29 нчы апрель көнне Арча шәһәренең 2 номерлы балалар бакчасында " Яшь биючеләр " ( " Вальс Победы") конкурсында катнашып, безнең балалар бакчасында тәрбияләнүче Исхахова Зәлия һәм Гайнетдинов Риназ " Долгожданная встреча" биюен башкарып, 2 дәрәҗәдәге Грамота белән бүләкләнделәр.Аларга киләчәктә дә уңышлар телибез.

28 апрельдә хезмәтне саклау көне билгеләп үтелә. Хезмәтне саклау - кеше тормышы иминлегенең иң мөһим өлеше. Моны һәркем белергә тиеш. Балалар арасында куркынычсыз хезмәт культурасын популярлаштыру максатыннан 28 апрель көнне “Хезмәтне саклау - балалар күзлегеннән” исемле рәсем конкурсы оештырылды. Конкурсның төп максаты - балаларның игътибарын хезмәтне саклау өлкәсендәге проблемаларга җәлеп итү, үз сәламәтлегеңә, хезмәткә һәм гомумән техникага карата дөрес җайланма формалаштыру.Бу көн - хезмәткәрләрнең һәм балаларның эш урынында куркынычсызлыгы турында уйларга тагын бер сәбәп. Теләсә кайсы өлкәдә без куркынычсыз эшләргә омтылабыз. Һәр эш көне башкарылган бурычлардан гына шатлык китерсен, ә эш урынында сәламәтлеккә берни дә янамасын.

Бүген безнең балалар бакчасында ата- аналар һәм башлангыч сыйныф укытучысы Исмәгыйлова Мөнирә Мәсхут кызы өчен " Ачык ишекләр" көне булды.
Мәктәпкә әзерлек төркеме балалары тәрбияче Алинә Фидаэль кызы сөйләм теле буенча эшчәнлек күрсәтте . Балалар барлык биремнәрне төгәл үтәп, матур итеп җавап бирделәр. Үзләренең белемнәрен күрсәттеләр.
Римма Нәзгать кызы нәниләр төркеме белән Бөек шагыйребез Г.Тукайга багышланган " Бәйрәм бүген!" кичәсен башлап җибәрде. Зурлар төркеме белән Рафия Ансар кызы " Шүрәле һәм аның дуслары" әкиятен сәхнәләштереп күрсәттеләр.
Ата аналар һәм Мөнирә Мәсхүт кызы бакча коллективы хезмәткәрләренә карата матур теләкләрен җиткерделәр,
Бүгенге көнебез күңелле һәм шатлыклы хисләр белән тулды.

В Татарстане продолжается масштабная экологическая акция «Эковесна-2026».Пятая неделя проходит под названием «Мир. Труд. Май.»(мероприятия по благоустройству школьных,дошкольных и придомных территорий,парков и скверов)
Весенний май традиционно ассоциируется с радостью обновления, расцветающей природой и началом новой жизни. Именно этот период вдохновляет нас на добрые дела и осознанные поступки ради улучшения экологической обстановки вокруг нас. Воспитанники нашего детского сада Иванова Диана, Коркин Самир, Хоснутдинова Анита(количество воспитанников:3 воспитанника) присоединились к этой акции. Они с родителями охотно
работали на придомовых участках и в саду.