Кечкенәләр төркеме
Рәсем
Тема:Болындагы чирәм.
Максат: яшел төсне башка төсләрдән аера белү,кыска өзек- өзек штрихларларны карандаш белән ясарга өйрәтү. Чиста,пөхтә ясауларына ирешү.

Зурлар төркеме.Әвәләү.
Тема:"Кунаклар көтәбез "
Максат:пластилинны тасма рәвешендә сузып,чынаяк ясарга,аның формасын һәм төп өлешләре пропорциясен дөрес итеп җиткерә белергә өйрәтү ;өзлекне тигезләү,шомарту алымнарын ныгыту;кунакчыллык тәрбияләү.

 10 санының берәмлекләрдән торган составы белән таныштыруны дәвам итү. Нинди дә булса саннан алда яки артта килүче санны белергә өйрәтү, үлчәү, чагыштырмача үлчәм күнекмәсен камилләштерү.

Саф һава
Саф һава мин ,саф һава,
Күп чирләрдән дәва.
Саф һавада бул күбрәк,
Савыгырсың тизрәк.

Ел саен  Бөтендөнья почта көнен – җир йөзендә иң ышанычлы, һәркем файдалана алырлык һәм вакыт белән сыналган элемтә челтәрләренең берсен билгеләп үтә.Мөгаен, бу һөнәрнең төп сере гадидер: сабырлык, игелек һәм кешеләргә ихлас мәхәббәт. Бүген балалар белән шул темага әңгәмә үткәрдек,төсле бурлар ярдәмендә асфальтка рәсемнәр ясадык.

Кечкенәләр төркеме
Рәсем
Тема: "Көзге яфрак"
Максат: балалар белән көзге яфраклар нинди төстә булуын ачыклау, матур, пөхтә итеп буярга өйрәтү, эстетик зәвык тәрбияләү.

Бүген балалар бакчасында өлкәннәр көненә багышланган "Гомер көзе" дип аталган бәйрәм чарасы узды. Традиция буенча аңа тәрбияләнүчеләрнең әби- бабайлары,дәү әти, дәү әниләре чакырылган иде.Балалар бакчасы мөдире Гафурова Эльмира Рашат кызы бәйрәм белән котлап матур теләкләрен әйтте.Балалар иң кадерле кунакларга - биюләр, җырлар, шигырьләр һәм җылы теләкләр әзерләделәр. Кызыклы уен- ярышлар беркемгә дә күңелсезләнергә ирек бирмәде, катнашучылар бик актив булдылар.Балалар бакчасының төркемнәрендә дә күңелле, бәйрәм атмосферасы хөкем сөрде.

Россия халыклары бердәмлеге елы уңаеннан, көз фасылына багышланган," Гүзәл кызлар" күргәзмәсе  бакчабызга ямь биреп тора. Әти-әниләргә зур рәхмәтебезне белдерәбез.

"Янгыр ява, тып- тып" кечкенәләр төркемендә интегральләштереп үткәрелгән рәсем эшчәнлеге.

Борынгы заманнарда ук музыка тәрбия чарасы итеп каралган. Балалар тыңлый белергә, ә барыннан да бигрәк, үзләренә аңлаешлы, уңайлы һәм кызыклы материалны башкара белергә тиеш. Җыр, бию, уеннарны балаларның яшь үзенчәлекләрен, мөмкинлекләрен исәпкә алып сайлау мәҗбүри. Музыка тыңлау балаларның рухи дөньясын гына баетып калмый, ул аларның акылына да тәэсир итә: бала уйлана, сорауларга җавап бирә, чагыштыра. Болардан тыш, балаларның музыкаль сәләтләре үсә.Безнең балалар бакчасында да музыка, җыр һәм бию дәресләрен  яратып, зур кызыксыну белән көтеп алалар. Бүген музыка көне уңаеннан, кечкенәләр төркемендә  матур җырлар җырладык, биюләр биедек, музыка уен кораллары белән танышып, аларда уйнап карадык. Зурлар төркемендә әби-бабаларыбыз кулланган уен кораллары белән таныштык.Уен коралларының үзләренә генә ия койләрен тыңлап, танышып чыктык.