Бүген без авылыбызда урнашкан "Игенче" агрофирмасының яшәеше белән танышу максатыннан шунда сәяхәткә бардык.Ә сез андагы техниканы күрсәгез исегез китәр!Замана таләпләренә туры китереп җитештерелгән машина, трактор, башка техниканы балалар бик ошатты, сокланып күзәтте!Фердинанд абый ашлык киптергечнең,тегермәннең ничек эшләве турында балаларга сөйләде.Балалар бик кызыксынып тыңладылар.Шулай ук агрофирманың ашханәсе,бугалтериясе белән таныштык,анда эшләүче апалар белән фотога төштек.Бу сәяхәт балалар өчен бик кызыклы, мавыктыргыч булды.Барлык авыл хуҗалыгы тармагында эшләүчеләргә авыр хезмәтләрендә сәламәтлек, зур уңышлар телибез.

Балалар бакчасында"Елмаю көне" - ул җылы һәм уңай тематик көн, аның максаты төркемнәрдә игелекле атмосфера тудыру, балаларга бер-берсенә җылылык бирергә өйрәнергә һәм коммуникатив күнекмәләрне үстерергә ярдәм итү.

"Ромашкалар- балаларның иң яраткан кыр чәчәкләре,алар турында бик күп җырлар язылган, матур такыялар ясалган.Бу матур чәчәк белән уен ,рәвешендә таныштырдык. Кәгазьгә бик матур ромашкалар ясадык.Саф һавага чыккач асфальтка бик күп ромашкалар ясадылар- якты җәйгә бүләк.
Тәрбияче белән әңгәмәдән балалар ромашкалар матур чәчәк кенә түгел,ә медицинада кулланылышы турында да белделәр.
Туган көнең белән ,Ромашка!

Бүген балалар белән сәламәтлек турында әңгәмә уздырдык. Иртәбез безне энергия белән тулыландырган зарядкадан башланды, балалар "Файдалы һәм зарарлы ризык " темасы буенча фикер алыштылар,дөрес туклануның ни өчен мөһим булуын белделәр; шәхси гигиена кагыйдәләрен искә төшерделәр. Уеннар ярдәмендә белемнәрен ныгыттылар.
Сау- сәламәт булыйм дисәң,
Гел чиста йөрт үзеңне.
Чисталыкта - пөхтәлектә
Сәламәтлек нигезе.

 1941 елда элек кешелек тарихында иң дәһшәтле сугыш – Бөек Ватан сугышы башланган көн.
Шул уңайдан балалар белән Бөек Ватан сугышы турында әңгәмә оештырдык,видеороликлар карадык. Ахырдан Мәңгелек утны кисеп ябыштырдык. Явыз дошман белән көрәштә сугышчыларыбыз үз-үзләрен аямадылар, соңгы сулышларына кадәр изге антларына тугры калдылар. Ватаныбыз халкын коллыктан саклап калдылар. Бу олы батырлык, тиңдәшсез хезмәтне бөтен дөнья халкы олылый, алар мәңгелеккә тарих битләренә язылган. Инде сугышлар булмасын, кешеләр мул, тыныч тормышта яшәсен иде.

В июне в России отмечается день медицинского работника . Это профессиональный праздник для врачей, медсестер, фельдшеров и всех медиков, которые спасают жизни и здоровье людей.

Дару үләннәре турында кечкенәләр төркеме балалары белән әңгәмә үткәрү. Дару үләннәре кеше һәм хайваннарның авыруларын дәвалауда һәм профилактикасында кулланыла торган кыргый шартларда үсүче яки культивацияләнүче үсемлекләр. Дару үләннәре белән дәвалану системасы фитотерапия дип атала.
Үсемлекләрне дәвалау максатларында куллану мөмкинлеге медицина төренә карый (рәсми яки халык медицинасы). Россия сәламәтлек саклау системасында бары тик Дәүләт дару чаралары реестрына кертелгән дару үләннәре генә кулланыла ала.

Юлларда юл билгеләре зур роль уйный. Юл билгеләре-кеше өчен ориентирлар, юлда ярдәмчеләр.
Максат: балаларның юл билгеләре турындагы белемнәрен киңәйтү, аларның сүрәтләрен урамнарда, юлларда дөрес ориентлашу өчен аңларга өйрәтү, уен вакытында игътибарны, танып белүне үстерү.

Саф һавада йөрү сәламәтлекне ныгыту өчен иң мөһим чараларның берсе булып тора.Саф һавада балалар күп уйный, хәрәкәт итә. Хәрәкәт итү матдәләр алмашын, кан әйләнешен тәэмин итә, аппетитны үстерә. Балалар каршылыкларны җиңәргә өйрәнә, җитезлектә, кыюлыкта камилләшә. Аларда хәрәкәт итү үсә, кәеф күтәренкелеге тотрыклана. Саф һавада булу акыл үсеше өчен дә файдалы. Күзәтүләргә нигезләнеп балаларның танып белү даирәсе камилләшә, белем дәрәҗәсе үсә. Кызыксынучанлык, иҗадилык формалаша. Дөрес итеп оештырылган саф һавада булулар балаларның һәр яклап үсеше өчен дә файдалы.

Балалар бакчасында " Капма- каршылыклар" атнасы башланып китте. Без балалар белән капма- каршы предметларны чагыштырдык һәм анализладык . Антоним сүзләр кулландык.Бу логик күнекмәләрне формалаштырырга,сүзлек запасын киңәйтергә,хәтерне, игътибарны һәм сөйләмне яхшыртуга ярдәм итә.