“Илһам” бөтенроссия яшь язучылар бәйгесе кабат иҗат итүче укучыларны үзенә җыйды. Бу бәйгедә 5-11 нче сыйныф укучылары үзләре иҗат иткән әсәрләре белән “Яшь шагыйрь”, “Яшь прозаик”, “Яшь драматург”, “Яшь журналист” номинацияләрендә катнаштылар. Беренче турда җиңгән Балтач, Саба, Кукмара, Теләче, Биектау, Арча районы укучылары Арчаның 6 нчы номерлы мәктәбендә зона турында мәртәбәле жюрига үз әсәрләрен тәкъдим иттеләр. Д.Г. Хәкимов исемендәге Түбән Мәтәскә урта мәктәбенең 9 нчы сыйныф укучысы Габдрахманов Инсаф бу бәйгенең “Яшь прозаик”, “Яшь журналист” номинацияләрендә I тур җиңүчесе исемен алды. Аны җиңүе белән котлыйбыз һәм йомгаклау этабында уңышлар телибез.

20 нче март көнне “Россия – минем офыкларым” дәрестән тыш эшчәнлектә 7 нче класс укучылары архитектура һәм төзелеш өлкәсе турында сөйләштеләр. Яңа һөнәрләр белән таныштылар һәм үзара фикер алыштылар.

Балаларның язгы каникул вакыты җитә. Яллар күңелле, файдалы һәм куркынычсыз үтсен өчен, озынайтылган көн төркемендә тәрбияләнүче укучылар өчен инструктаж үткәрелде, куллар куйдырылды.

Акция "Загадки Тавриды".

Акция раздача открыток "Крымская весна".

Акция  "Крым и Россия - мы вместе".

Акция "Крым ближе, чем кажется".

Бүген "Мөһим әңгәмә" дә 4 а сыйныфы укучылары белән Кырым һәм Севастопольнең Россия составына керүгә 11 ел, Артек лагерына 100 ел тулу уңаеннан әңгәмә үткәрелде.

15 нче мартта Түбән Мәтәскә авылының яңартып төзелгән мәдәният йорты бинасында “Казанка” агрофирмасы призына көрәш ярышлары булып узды.

Чарада Арча муниципаль районы башлыгы Нуриев Илшат Гаптелфәрт улы,  Татарстан Республикасының Көрәш федерациясе җитәкчесе Таһиров Марсель Шәрифҗан улы,  Арча муниципаль районы авыл хуҗалыгы һәм азык-төлек идарәсе җитәкчесе  Хәбиров Айрат Фиркать улы, “Казанка” хуҗалыгы җитәкчесе Сабиров Айдар Фәрит улы,  Арча районы яшьләр  эшләре, спорт һәм туризм бүлеге җитәкчесе Мостафин Дилүс Фәрит улы, Иске Кырлай авылы җирлеге башлыгы  Лотфуллин Фәнил Фәнәвил улы,  “Арча” спорт мәктәбе директоры Хидиятуллин Фәнил Фәнис улы, Д.Г. Хәкимов исемендәге Түбән Мәтәскә мәктәбе директоры Гайнетдинов Илдар Борһан улы катнаштылар.

100 дән артык көрәшче көч сынашты. Түбән Мәтәскә мәктәбе укучылары командасы призлы 2 нче урын алып, грамота һәм кубок белән бүләкләнде.

Ярышның иганәчесе Айдар Фәритович һәркемне бушлай кайнар ризык белән сыйлады, ярышның җиңүчеләренә акчалата һәм истәлекле бүләкләр тапшырды.

Районыбызда, мәктәпләребездә киләчәк буынны төрле яклап үстерү өстендә зур эшләр алып барыла. Шуны күздә тотып, Арча балалар сәнгать мәктәбе коллективы укучыларыбызны борынгы татар музыка уен кораллары белән таныштырдылар һәм мастер-класс та үткәрделәр. Укучыларыбызга бик ошады. Зур рәхмәт!