Алда һәр бала көткән искиткеч вакыт - җәйге каникуллар.  Аны файдалы итеп үткәрү мөһим. Бүген 2 нче класс укучылары белән «Куркынычсыз җәй»” темасына дәрес үткәрелде. Дәрестә укучылар җәйге ял көннәрендә табигатьтә үз-үзеңне тоту, юлда йөрү кагыйдәләре, иминлекне саклау кагыйдәләрен искә төшерделәр. Беренче ярдәм күрсәтү, кояштан саклану, сулыкларда үз-үзеңне тоту турында видеороликлар карадылар.  Дәрес ахырында укучыларга имин ял көннәре теләп, инструктажлар уздырылды.

С учащимися 3 а класса  был проведен воспитательный час на тему «Безопасное лето».

С целью актуализации знаний основ безопасного поведения  обучающихся в летний период в 11классе было проведено внеурочное занятие «Безопасное лето».

19 нчы май көнне мәктәбебезнең "Театр түгәрәгенә" йөрүче укучылары Казан шәһәрендәге "Шәрык клубы" музеена сәяхәткә барып кайттылар. Заманча эшләнгән музей һәр кешенең күңеленә хуш килгән. Балалар һәм түгәрәк җитәкчесе Гөлназ Раниф кызы зур канәгатьлек алып, яңалыклар белән танышып кайттылар.

19 нчы май - Пионерия туган көн. Шул уңайдан мәктәп күләмендә походка чыктык.

Мәктәпкә керүче әзерлек төркеме укучылары белән "Татар халкының милли бизәкләре" дигән темага әңгәмә үткәрелде. Укытучы Йосыпова Р.К. балаларны татар халкы, аның милли йолалары, милли бизәкләре белән таныштырды.

Мөндеш башлангыч мәктәбендә бүгенге "Мөһим сөйләшүләр" сәгате Александр Сергеевич Пушкинга һәм рус теленә багышланды. Мультфильмнар карап, Пушкин әсәрләренә кергән әкият геройларын искә төшердек, әсәрләреннән өзекләр тыңладык, бөек язучының биографиясен һәм иҗатын кабат искә төшердек. Укучылар үткәннәрне генә искә төшереп калмадылар, үзләренә күп яңалык алдылар.

Бүген "Мөһим әңгәмә" вакытында 3а классы укучылары белән бөек рус шагыйре, әкиятче А. Пушкинның тууына 225 ел тулу уңаеннан әңгәмә үткәрелде.

Җиңү килде җирне нурга күмеп,

Шатлык белән күзне чылатып.

Килде ул көн — горур күкрәкләрдә

Орден-медальләрне чыңлатып.

Туган ягыбызга 79 нчы тапкыр җиңү язы килде. Бүген Түбән Мәтәскә урта мәктәбендә “Батырлар мәңге онытылмый” дип исемләнгән тантаналы бәйрәм кичәсе үткәрелде. Ул Җиңү көненә, Бөек Ватан сугышында катнашкан ветераннарга, тылда хезмәт куйган батыр йөрәкле хатын-кызларга, сугыш чоры балаларына багышланган иде. Бу гадәти бәйрәм түгел. Ул күз яшьләренә манчылган. Сугыш афәте беркайчан да илебез күген капламасын! Җир йөзендә мәңге тынычлык булсын, дибез. Кичәбездә кунаклар да катнашты. Алар – Арча контроль-хисап палатасыннан Сафиуллина Надия Равил кызы, бүгенге көндә махсус хәрби операциядә катнашучы егетләребез Саттаров Равил һәм Закиров Искәндәр. Бүген без якты киләчәгебез, сабыйларның тыныч йокысы өчен башларын салган авылдашларыбызны, Ватандашларыбызны зур хөрмәт белән искә алдык. Җир йөзендә мәңге тынычлык хакимлек итсен! Күп еллар безгә шушындый очрашулар насыйп булсын!

Казиле башлангыч мәктәбендә Җиңүнең 79 еллыгына багышланган митинг узды. Чара шигырьләр, җырлар һәм чыгышлар белән үрелеп барды. Анда хәзерге вакытта махсус хәрби операциядә катнашучы егетләребезнең әниләре дә катнашты.