Муниципальное бюджетное общеобразовательное учреждение «Нижнеметескинская средняя общеобразовательная школа имени Д.Г.Хакимова» Арского муниципального района Республики Татарстан / Татарстан Республикасы Арча муниципаль районының «Хәкимов Д.Г исемендәге Түбән Мәтәскә урта гомуми белем мәктәбе» муниципаль бюджет гомуми белем учреждениесе
Решаем вместе
Есть предложения по организации учебного процесса или знаете, как сделать школу лучше?
Визитная карточка
| Адрес: | 422022, РТ, Арский район, село Нижние Метески, улица Молодежная, дом 11\ Татарстан Республикасы Арча муниципаль районы, Түбән Мәтәскә авылы, Яшьләр урамы, 11 нче йорт |
| Телефон: | +7(843)-665-62-03 |
| E-Mail: | Snm.Ars@tatar.ru |
| Министерство: | Министерство образования и науки Республики Татарстан |
| Короткое название: | МБОУ «Нижнеметескинская СОШ имени Д.Г.Хакимова» |
| Руководитель: | Гайнетдинов Ильдар Борханович |
| Год основания учреждения: | 1984 |
| У нас учатся: | 141 (25 в филиалах) / Бездә укыйлар: 141 укучы |
| У нас учат: | 23 (4 в филиалах) / Бездә укыталар 23 укытучы (4 укытучы филиалларда) |
Муниципальное бюджетное общеобразовательное учреждение «Нижнеметескинская средняя общеобразовательная школа имени Д.Г.Хакимова» Арского муниципального района Республики Татарстан / Татарстан Республикасы Арча муниципаль районының «Хәкимов Д.Г исемендәге Түбән Мәтәскә урта гомуми белем мәктәбе» муниципаль бюджет гомуми белем учреждениесе - новости
Страницы: << 151 152 ( 153 ) 154 155 156 157 158 159 160 >>
-
Юл йөрү кагыйдәләрен үтәү - тормыш кагыйдәсе 05.03.2020 6 нчы март-ЮИДның туган көне.Бу уңайдан Мөндеш башлангыч мәктәбендә укучыларның юл йөрү кагыйдәрен белүләрен арттыру максатында профилактик әңгәмә уздырды. Әлеге өлкәдә балаларның белемнәрен арттыру гына түгел, беренче медицина ярдәмен күрсәтү буенча күнекмәләр алу, юлда булган төрле хәлләрдә югалып калмаска өйрәтү дә максат итеп куелды.Әңгәмә барышында укучыларга магнит карточкалар, пазллар, өстәл уеннары да ярдәмгә килде..
-
“Әкиятләр иленә сәяхәт” 05.03.2020 5 нче март көнне башлангыч сыйныф укытучысы Шиһабиева Лилия Рәфкать кызы “Әкиятләр иленә сәяхәт” исеме астында викторина үткәрде. Балалар, “Акбайлар” һәм “Шүрәлеләр” командаларына бүленеп, әкиятләрне, аларның геройларын тануда, табышмаклар белүдә, тапкырлыкта, зирәклектә көч сынаштылар . Нәтиҗәдә, “Шүрәлеләр” командасы җиңү яулады.
-
Авыл китапханәсендә 04.03.2020 Башлангыч сыйныфлар атналыгы кысаларында 4 нче март көнне укучылар авыл китапханәсенә экскурсиягә бардылар. Китапханәче Вәлиева Алинә балалар белән “Кошлар – безнең дусларыбыз” исеме астында викторина үткәрде. Балалар чарада актив катнаштылар, шулай ук кызыклы китаплар да сайлап алдылар.
-
Башлангычлар атналыгы 03.03.2020 Д.Г.Хәкимов исемендәге Түбән Мәтәскә урта мәктәбендә башлангыч сыйныфлар атналыгы башланып китте. 3 нче март көнне озынайтылган көн төркемендә тәрбияләнүче укучылар арасында “Математик КВН” булып узды. Ярышта “Шатлык” һәм “Дуслык” командалары көч сынашты. Уен-бәйгедә укучылар логик фикерләүгә мисал, мәсьәләләр чиштеләр, тапкырлыкта,зирәклектә, җитезлектә дә үзләрен сынап карадылар.
-
Тукай геройлары минем иҗатымда 03.03.2020 Габдулла Тукайның 134 еллыгы уңаеннан, яшь буынга рухи-әхлакый тәрбия бирүдә әдипнең тормыш юлын өйрәнүне һәм иҗатын пропагандалау максатыннан, ТАССРның 100 еллыгы, Арча районы оешуга 90 ел тулу уңаеннан, Мөндеш башлангыч мәктәбе укучылары район бәйгесенең башлангыч сыйныфлар өчен “Тукай геройлары минем иҗатымда”номинациясенә катнашырга теләктәшлек белдерде.Яшь иҗатчылар чигү, тегү, бәйләү юлы белән, шулай ук агачтан, саламнан, балчыктан, тукымадан һәм башка табигый һәм табигый булмаган материаллардан эшләнгән декоратив-гамәли сәнгать әсәре тәкъдим итте.
-
“Без бергә” фестивале. 26.02.2020 Арчаның сәнгать мәктәбендә “#Безбергә” фестиваленең муниципаль этабы үтте. Әлеге фестиваль инде берничә ел уздырып килә. Шунысы игътибарга лаек, монда бар да гади. Шул ук вакытта үзенә күрә бер затлылык та сизелә. Һәм бу шулай булырга тиеш тә. Әлеге халык иҗат фестиваленең максаты булып балаларның һәм яшүсмерләрнең нәфис-эстетик иҗатын үстерү тора. Ул халык мәдәниятенә, Россия халыклары традицияләренә карата хөрмәт тәрбияләү, этникара мөнәсәбәтләрне ныгыту, балаларда милли мәдәнияткә карата кызыксыну уяту, талантлы балаларны ачыклау һәм аларга ярдәм итү бурычын да күз алдында тота. Безнең Мөндеш башлангыч мәктәбе укучылары “Халык вокал ансамбле” һәм “Инструменталь ансамбль” номинацияләрендә уңышлы чыгыш ясадылар. Барлык укучыларга зур уңышлар телибез!
-
Котлыйбыз! 24.02.2020 23 февраль Ватанны саклаучылар көне уңаеннан Казиле башлангыч мәктәбендә “Йолдызлы сәгать” уздырылды. Сибагатуллин Ренас җиңүче булды.
-
Халыкара туган тел көне 22.02.2020 21 нче февраль көнне Казиле башлангыч мәктәбендә Халыкара туган тел көненә багышланган кичә булды.
-
Туган телем - татар теле 22.02.2020 Туган тел! Һәркем өчен дә газиз сүз бу. Туган илебезнең, торган җиребезнең кадерле булуын да без иң элек туган тел аша тоябыз. 21 нче февраль- Халыкара туган тел көне дип игълан ителде. Шул уңайдан, халкыбызда туган телебезгә карата мәхәббәт, горурлык хисләре тәрбияләүне, телебезнең сафлыгы, матурлыгы, аһәңлеге өчен армый-талмый көрәшүне максат итеп, Мөндеш башлангыч мәктәбендә "Туган телем - татар теле"дигән музыкаль кичә узды. Кичәдә “Әйтеп бетер” дигән исем астында мәкальләр, санамышлар әйтелде, шаян сорауларга, табышмакларга җаваплар тыңланды, укучыларыбыз туган тел турында шигырьләр сөйләделәр, җырлар җырладылар, мәкальләр әйтештеләр.
-
23 нче февраль- Ватанны саклаучылар көне 22.02.2020 23 нче февраль Ватанны саклаучылар көне – ир-егетлəрнең намус, абруй һәм кыюлык шикелле сыйфатларга ия булуын раслый торган бәйрәм. Мөндеш башлангыч мәктәбе укучыларына үрнәк күрсәтү, шундый сыйфатларга хас булган егетләр барлыгын аңлату, ватанпәрвәрлек хисләре тәрбияләү максатыннан соңгы елларда армия хезмәтендә булып кайткан егетләребезне бәйрәм кичәсенә чакырдык. Үсеп килүче яшь буынга бу тәрбия үрнәге булып тора. Егетләребез укучыларга үзләренең армия хезмәтендә булган кызыклы хәлләре, күргәннәре турында сөйләделәр, киңәшләрен бирделәр. Спорт белән шөгыльләнергә, тырышып укырга өндәделәр.Укучылар кунакларга шигырьләр сөйләделәр, матур биюләр һәм җырлар күрсәттеләр.
