Укучыларда өлкән буын кешеләренә карата миһербанлылык, хөрмәт, ихтирам, шәфкатьлелек, мәрхәмәтлелек хисләре тәрбияләү максатыннан, озынайтылган көн төркемендә тәрбияләнүче укучылар озак еллар мәктәптә техник хезмәткәр булып эшләп, лаеклы ялга чыккан, олы яшьтәге Зәйнәп апаның өендә булып, хәлен белеп кайттылар.

Мәктәптә "Ел укытучысы-2021" бәйгесенең зона этабы үтте. Ташкичү, Кенәр, Кушлавыч, Казанбаш мәктәпләреннән килгән конкурсантлар дәрес һәм мастер-класс күрсәтте.

Туган телләр һәм халыклар бердәмлеге елы уңаеннан бүген Шакирова Г.К. 7 нче сыйныф укучылары белән “Туган телем – татар теле” дигән темага сыйныф сәгате үткәрде. Алар күп гасырлык тарихы булган , Каюм Насыйрилар , Тукайлар нигез салган , 7 миллион халык сөйләшкән , дөньядагы иң дәрәҗәле 14 тел исәбенә кергән ,чит илләрдә дә өйрәнелә торган , бүгенге көндә камилләшкән, теләсә нинди катлаулы фәнне өйрәтергә мөмкинлеге булган туган телебез – татар теле турында сөйләштеләр.

2021 нче ел Татарстан Республикасында Туган телләр һәм Халыклар бердәмлеге елы дип игълан ителде. Шул уңайдан, Мөндеш башлангыч гомуми белем мәктәбендә үткәрелгән сыйныф сәгате “Телләр белгән-илләр белгән” дип аталды. Ул телдән журнал рәвешендә үтте. Журнал туган телебезгә караган афоризмнар, төрле авторларның шигырьләрен, мәзәкләрен уку, мәкальләрнең ахырын белү, сүзләрдән яңа сүзләр ясауны үз эченә алды. Әлеге чарада укучыларның тапкырлыгы сыналды.

Татарстан президенты Рөстәм Миңнеханов 2021 нче елны Туган телләр һәм халыклар бердәмлеге елы дип игълан итте. Шул уңайдан бүген 10 нчы сыйныфларда “Туган телне кадерләгән халык кадерле булыр” темасына класс сәгате үткәрелде. Сыйныф җитәкчесе Габдрахманова Н.Ш. укучыларны бөтендөнья аралашу телләре белән таныштырды. Укучылар туган телнең киләчәге, аны саклау һәм үстерү турында фикер алыштылар.