Көзге уңыш бәйрәменә әзерлек зур тырышлык таләп итте. Балалар әти-әниләр белән бергәләп кул эшләре эшләп алып килделәр.Күргәзмә өстәле көзге нигьмәтләрдән сыгылып торды. Күз явын алырлык табын әти-әниләрне килгән кунакларны җәлеп итте. Бик матур эчтәлекле бәйрәм кичәсе карап үттек.  

Яңа Кенәр балалар бакчасында социаль мәсьәләләрне хәл итү буенча семинар булды. Балаларга патриотик тәрбия бирүнең торышын белем бирү эшчәнлеге һәм күңел ачу чаралары аша ничек җиткерелүен килгән кунакларга ачып бирдек. Тәрбияче Г.  Муллахметовна мәктәп хәзерлек төркеме балалары белән илебез буйлап сәяхәткә чыкты.  Балалар дәүләт символларын,илебезнең истәлекле,тарихи урыннарын атадылар.Сөмбелә бәйрәменнән өзек күрсәтелде.  Бакча мөдире Л.Фоатовна балалар бакчасында ашатуның торышы, ФГОСна нигезләнеп эшләгән эш барышы турында чыгыш ясады.

Икенче кечкенәләр төркеме балалары гади математик күзаллаулар формалаштыру белем бирү эшчәнлегендә саннарны танырга, предметларны тотып саный белергә өйрәнәләр.Менә ничек дөрес итеп уенчыкларны саннар янына урнаштырганнар. Молодцы!

Һәр төркемнең тәрбиячеләре әти-әниләр белән тыгыз элемтәдә тора. Көн саен баланы кабул иткәндә, озатканда киңәшләшеп  кенә калмыйлар, әти-әниләр өчен күчмә папкалар эшләп торалар. Ул папкаларда әти-әниләр өчен кирәкле мәгълүматлар, киңәшләр гел алыштырып торыла. Беренче кечкенәләр төркеме тәрбиячесе Гарифзянова Г.Р. әти-әниләр белән эшкә зур игътибар бирә.

Икенче кечкенәләр төркемендә тәрбияләнүче Әмир дә бик тырышып көзге конкурска әзерәнгән. Ул әнисе белән бергәләп көз кызы портретын ясаганнар. Менә ничек матур килеп чыккан көз кызы.

Тәрбияче өлгер, бар яктан да камил булырга тиеш. Безнең тәрбиячеләребез нәкъ менә шундыйлардан. Л.Н. Фазылзянова ни генә тотса да, җан өрә. Мәрҗәннәрдән ясалган кәрзин, үзе бер хозурлык.

Бүген бакчабызда көзге өмә булды. Бакчабызның тирә-ягын җыештырдык. Чисталык, матурлык һәркемнең күңеленә хуш килер.

Беренче кечкенәләр төркеме балалары бик кечкенә булсалар да, бик күп һөнәрләр беләләр. Режим моментларында вакытларын файдалы итеп үткәрергә тырышалар.Өстәл уеннарын бик яратып уйныйлар. Тәрбиячеләре Гарифзянова Г.Р. өстәл уеннарына кызыксыну һәм сакчыл караш тәрбияли. 

Балигъ булмаган балалар белән эш алып баручы  Нигматуллин Нил Камилович  мәктәп хәзерлек төркеме балалары белән  әңгәмә уздырды. Балаларга сәламәтлекне сакларга, юлларда сак булырга чакырды. Юл хәләкәтләреннән бергәләп саклансак кына хәвеф-хәтәрләрнең булмый калуын аңлатты. Балаларны саклау ниятеннән повязкалар таратты.Балаларыбыз имин булын!

Бренче кечкенәләр төркеме балалары режим моментларында да вакытларын файдалы үткәрәләр. Төзү материаллары белән йортлар төзиләр.