Лагерьның 8 нче көне төрле рекордларга бай булды: йөгерү буенча 1 урында М.Алинә, скакалка сикерүдә 1 урында М.Алинә, озынлыкка сикерүдә Л.Исламга тиңнәр булмады. Көннең икенче яртысында "Минем яраткан спорт төрем" дигән темага эмблема уйлап табу конкурсы булды. Анда Алинә, Айгөл беренче урын, Гөлназ, Рәзилә икенче урын, Сөмбелә, Зәлия өченче урынны алды. Көн бик күңелле үтте.

Бүген лагерьда эш көне юл йөрү кагыйдәләренә багышланды. Укучылар юлда йөрү кагыйдәләрен, юл билгеләрен искә төшерделәр. Соңыннан ике отряд арасында "Күңелле светофорик" дигән уен-ярыш оештырылды. Балалар бик актив булдылар. Бер-берсен уздырып сорауларга җавап бирделәр. Рәсем конкурсы һәр баланың күңеленә хуш килде. Алар тырышып-тырышып рәсемнәр ясадылар. Ахырдан җиңүчеләр билгеләнде. Көн үткәне сизелмәде дә.

Бүген лагерьның алтынчы көне. Көн салкын, яңгырлы булуга карамастан лагерь балаларның шат авазларыннан гөрләп торды. Төшкә кадәр балалар рәхәтләнеп ял иттеләр, төрле конкурсларда катнаштылар, спортзалда хәрәкәтле уеннар уйнадылар. Төшке аштан ике командага бүленеп "Күңелле стартлар" уздырылды. Көн бик күңелле үтте.

Бүген лагерьның бишенче көне. Көннәр салкын булуга карамастан безнең көнебез бик күңелле һәм файдалы үтте. Балалар бик теләп "Мин иң, мин иң..." интеллектуаль уенында катнаштылар. Уенда һәр балага берәр номинация буенча медальләр тапшырылды. Көннең икенче яртысында шашка һәм дартс уеннарында катнашып ике команда да үзләренең бик булдыклы икәнен күрсәттеләр.

Бүген лагерьның 4 көнендә укучылар табигатьне саклауга карата уеннар, викториналар, видеороликлар карадылар. Табигатькә сәяхәт оештырылды, дару үләннәрен аерырга өйрәнделәр һәм аның нинди авыруга шифасы булуы белән таныштылар. Көннең икенче яртысында "Өстәл теннисы" һәм "Лото" уены уйнадылар.

Бүген  лагерьның  өченче  көне.  Бүген  дә  балалар  көннәрен  бик  күңелле  уздырдылар. Туган авылыбызның тарихы музеенда булдылар, җәмәгать урыннарында этикет кагыйдәләре темасына әңгәмә презентация карадылар. Көннең икенче яртысында "Яраткан спорт уеным" темасына сюжетлы аппликация ясадылар.

Икенче көн күңелле лагерь тормышы дәвам итә. Бүген укучылар кечкенә олимпиада уеннары турында белемнәрен арттырдылар, кайберләрен үзләре дә уйнап карадылар. Саф һавада хәрәкәтле уеннар уйнап сәламәтлекләрен ныгыттылар. Көннең икенче яртысында "Туган ягымның файдалы казылмалары" дигән темага презентация карадылар, викторина сорауларына җавап бирделәр.

Бүген "Дуслык" исемендәге мәктәп яны лагеры эшен башлады.

Бу көнне 5-8 сыйныф укучылары җыелышып велосипедта якташ язучыбыз Гариф ага Ахуновның туган җирлегенә экскурсиягә бардылар. Узган ел ачылган Өчиле чишмәсенең суын эчтеләр, Казансу елгасында балык тоттылар, төрле спорт уеннары уйнадылар. 

Бүген мәктәбебезнең 8 укучысы өчен соңгы кыңгырау яңгырады.

Тантаналы линейкада Үрнәк авыл совете башлыгы урынбасары Тимашев Ф.И., ветеран укытучылар, әти-әниләр катнашты.

Мәктәп директоры Камалов Р.Р., килгән кунаклар, әти-әниләр, беренче укытучылары - бар да чыгарылыш сыйныф укучыларына изге теләкләрен теләделәр, имтиханнарда уңышлар юлладылар.