16нчы, 17нче февраль көннәрендә мәктәбебездә М. Җәлилнең тууына 109 ел тулу уңаеннан Җәлил дәресләре узды. Укучылар әдәбият дәресләрендә М. Җәлилнең шигырьләрен сөйләделәр, аның турындагы истәлекләр буенча фикер алыштылар.

14 февраль көнне  күп кенә илләрдә Гашыйклар көне билгеләнеп үтә. Бу көнне гашыйклар бер-берсенә йөрәк рәвешендәге Валентинкалар тараталар. Безнең мәктәбебезнең  укучылары да бу көнне билгеләп үттеләр.

Җиңүнең 70 еллыгы уңаеннан бүген 6 сыйныф укучылары сыйныф җитәкчеләре белән Батырлар истәлегенә куелган һәйкәл янына  бардылар. Һәйкәлнең тирә-ягын кардан чистарттылар һәм Батырлар исемлеге язылган стенд белән таныштылар. Әлеге стендта  үзләренең дәү әтиләре, туганнарының исемнәрен күрү укучыларга шатлык һәм горурлык хисе өстәде.

Бүген мәктәбебезнең  укучылар үзидарәсе җитәкчеләре Садрутдинова Энҗе  һәм Гәрәева Гөлназ тарафыннан Гашыйклар көненә  багышланган кичә үткәрелде.  Бу кичә төрле ярышлар һәм уеннар белән үрелеп барды. Әлеге чарада югары сыйныф укучылары бик теләп катнашты.

Бүген мәктәбебездә укучылар һәм укытучылар арасында Җиңүнең 70 еллыгына багышланган волейбол ярышлары булып узды. Ике командада бик теләп һәм күңел биреп үзләренең көчләрен сынашты. 

3-4нче сыйныфлар  җитәкчесе Вәлиева Гөлчәчәк Хәйдәр кызы  "Җиңү язын якынайтты Сезнең батырлык" дигән темага ачык тәрбия сәгате үткәрде.  Укучылар Бөек Ватан сугышы чорында халкыбызның тиңдәшсез батырлыгы турында күп мәгълүмат алдылар, үзләренең һәрвакыт Тынычлык сагында торачакларын белдерделәр.