Бүген мәктәбебездә аттестатлар  тапшыру тантанасы булып үтте. Мәктәбебезне 3 егет уңышлы бетереп,  кулларына гомуми белем аттестаты алдылар. Шәйдуллин Фаил  9нчы сыйныфны бары тик "5"ле билгеләренә генә тәмамлады.

Лагерының соңгы көне дә килеп җитте.  Бүгенге көн лагерьда йөрүче балалар өчен аеруча кызыклы һәм мавыктыргыч булды.  Мәктәп стадионында Сабантуй бәйрәме гөрләде, актив укучыларга, төрле конкурсларда җиңүчеләргә дипломнар тапшырылды. 

Авылыбызда Бөек Ватан сугышы башланган көнне билгеләп үттеләр.  Анда җирле үзидарә башлыгы, мәдәният хезмәткәрләре, балалар бакчасы,  укытучылар һәм укучылар коллективы катнашты. Алар һәйкәл янна чәчәкләр куйдылар, сугышта катнашучыларны искә алдылар.

Укучылар бүген иң мавыктыргыч экскурсиягә, авылыбызның машина-трактор паркына бардылар.  Авыл хуҗалыгы техникалары, балаларга бик кызыклы булды. 

Авылыбызның табигатен чистарту, саклау безнең бурычыбыз. Бүген лагерьга йөрүче балалар, укучылар тарафыннан даими карап, чистартылып торучы чишмә буена бардылар.  Алар чишмә янындагы чүпләрне чистарттылар, чишмәнең шифалы суын авыз иттеләр.

Бүген лагерьда сәхнә көне булып узды.  Бу чарада укучылар бик  теләп катнашты. Алар узләренең театрга, җырга, биюгә осталыкларын күрсәттеләр.

Лагерьда велосипедларда ярыш узды. Иң җитезе һәм иң остасы 6нчы сыйныф укучылары булды.

Бүген мәктәп яны лагерындагы  укучылар  елгага балыкка бардылар. " Иң оста балыкчы"    5нче сыйныф укучысы булды.