Районыбызны төзекләндерү, яшелләндерү, матурлау максатыннан "Өй АЛДЫБЫЗ ГӨЛБАКЧА-2014" район бәйгесендә район үзәге балалар бакчалары арасында 1 урынга лаек булдык.

Районда үткәрелгән иң яхшы чәчәкләр күргәзмәсендә мәктәпкәчә белем бирү учреңдениеләре арасында безнең балалар бакчасы 2 урынга лаек булды.

Мәгариф хезмәткәрләренең август конференциясе булып узды.Әлеге конференциядә "Педагогик осталык- белем сыйфатын күтәрүдә төп фактор" дигән темада фәнни- техник иҗат күргәзмәсендә катнашып, үз тәҗрибәбез белән уртаклаштык.

№7 балалар бакчасында тәрбиячеләрнең   секцион җыелышы узды.Балаларның татар культурасы, милли киемнәре турында күзаллауларын  үстерү, педагогик эшчәнлеккә  яңа УМК кертү аша икетеллелеккә  өйрәтүне камилләштерү, тәрбиячеләрнең иҗат тиү сәләтләрен үстерү максатыннан "Татар милли киемле курчаклар" конкурсы оештырылды.Конкурста районыбызның бер генә тәрбиячесе дә катнашмый калмады.

Тәрбияче Суфиянова Д.М. балалар белән "Туп, туп, тубыбыз, син безнең, матурыбыз" дигән исем астында туп белән эстафета уеннары оештырды.Балалар уен вакытында кыюлык, җитезлек, өлгерлек күнекмәләрен ныгыттылар.Алар арасында тагын да дуслык җепләре  һәм  сәламәтлекләре ныгыды.

Бүген  уртанчылар группасында  Закирҗанов Даниярның  туган көне. Шул уңайдан балалар  тәрбияче  Пугачева Т.А. белән Даниярны туган көне белән котладылар, матур теләкләрен теләделәр, җырладылар, биеделәр һәм дә уйнадылар.
 

2 кечкенәләр группасы балалары белән тәрбияче  Ч.Д. Салихова   "Керпекәйгә - урманга" дигән күңел ачу үткәрделәр.Әлеге чарада балаларның сөйләм телләре үстерелде, хәрәкәт активлыклары артты, кәефләре күтәрелде.Балалар күңел ачу бәйрәменнән канәгать  булдылар.

Бүген  бакчабызда велосипедчылар көне уздырылды. Тәрбияче Аминова Нәзилә Әскать кызы балаларны велосипедта йөрү серләренә өйрәтте.

Тәрбияче Алмазия апалары балаларны кечкенәдән үк  хезмәтне яратырга өйрәтә.Алар участокларны бик чиста һәм матур итеп тоталар.

Балалар балалар бакчасының бакча яны тәҗрибә участогында булырга бик яраталар. Алар яшелчәләрнең зур һәм мул уңыш бирүенә куаналар, чөнки үзләре дә төрле тәҗрибәләр үткәрәләр.Тәҗрибә һәм контроль участоклардагы усемлекләрнең ничек үсүен күзәтәләр.