Хөрмәтле хатын-кызларыбыз!

Сезне язның  беренче бәйрәме 8-Март  белән тәбрик итәбез.Эшегездз,тормышыгызда зур уңышлар,ныклы сәламәтлек, озын гомер телибез. 

Әниләрнең назы белән,

Без керәбез һәр көнгә.

Кояш кирәк җир йөзенә,

Әни кирәк һәркемгә.

Балалар үзләренең әниләренә матур мизгелләр бүләк иттеләр.Шигъри юллар,җыр, бию аша якынлашып килүче 8 март- халыкара хатын-кызлар көне белән котладылар, иң матур теләкләрен җиткерделәр. Алар күңел җылысын биреп эшләгән бүләкләрен иң якын кешеләре -әниләре, дәү әниләренә , әбиләренә бүләк иттеләр.

Районда "Ел тәрбиячесе -2015" конкурсы йомгакланды. Бәйгенең төп максаты- тәрбиячеләрнең статусын үстерү, аларның эш  нәтиҗәләрен арттыру, иҗади якын килеп эшләүче педагогларны барлау һәм нәтиҗәләрен үстерү максатыннан  үткәрелде.Рус теле тәрбиячесе Пугачева Татьяна Анатолий кызына эшендә  яңадан -яңа уңышлыклар телибез.

"Йолдызлык -2015" конкурсының  икенче район  этабы уздырылды.Балалар вокал, вокал ансамбль, хореография, конферанс номинацияләрендә көч сынаштылар.

Ватанны саклаучылар көне уңаеннан "Без әтиләр белән көчле" ,-дигән темада бәйрәм үткәрелде.Балалар әтиләрен бәйрәм белән котлап концерт  күрсәттеләр.

"Ел тәрбиячесе -2015" бәйгесенең 2 этабы  №2 балалар бакчасында узды.Безнең балалар бакчасыннан тәрбияче Пугачева Татьяна Анатолий кызы катнашты.Уңышлы чыгыш ясавы белән котлыйбыз!

Бөек Җиңүнең 70 еллыгын  каршы алырга әзерләнгән көннәрдә, сәламәт яшәү рәвешен пропагандалау , балаларга патриотик тәрбия бирү, Туган илгә, Ватанга хөрмәт тәрбияләү максатыннан "Аҗаган-2015" спорт уены оештырылды. Балалар 2 командага бүленеп ярыштылар, үзләренең җитезлекләрен, көчлелекләрен, кыюлыкларын күрсәттеләр.

"Бүләк" чаңгы аланында "Россия чаңгы юллары-2015" акциясе кысаларында узган массакүләм спорт чарасында балалар бакчасында тәрбияләнүче балалар да, тәрбиячеләр дә,кече тәрбиячеләр дә катнаштылар.Зурлар һәм мәктәпкә хәзерлек группаларыннан:Зарифянов Искәндәр, Валиев Динар, Гарипов Даниэль, Мухаметшин Фидан,Гафурова Таңсылу, Шаемова Зиля, Кузьмина Гөлназлар уңышлыклары белән  безне куандырдылар.Булдырдыгыз,балалар!

Ветераннар, ветераннар,

Сезгә хөрмәт, ихтирамнар.

Сез барында матур булып,

Алсу булып ата таңнар...

Илебез Бөек Җиңүнең 70 еллыгын каршы алырга әзерләнә.Безнең өчен тыныч күк йөзен , имин тормышны бүләк иткән, Җиңү көнен якынайткан сугыш ветераннарыбыз бүген бармак белән генә санарлык.Ә сугыш чоры балаларының исәннәре дә җитмешенче, сиксәненче дистәләрен ваклыйлар.Без матур, кояшлы көндә Бөек Ватан сугышы ветераны Әбүзәр абыйның йортына юл тоттык.Хөрмәтле Ветераныбыз безне көләч йөзе белән каршы алды.Өй түрендә кадерле Әбүзәр абыйның батырлыгы өчен бирелгән рәхмәт хатлары игътибарны  җәлеп итә.Без бергәләп аның яшьлек хатирәләре-фотосурәтләре белән таныштык, гармун моңнары, җырлары аша Әбүзәр абыйны яшьлегенә алып кайткандай булдык.Без аңа озын гомер, сәламәтлек, илебез күгенең аяз булуын телибез.

 Положениегә  нигезләнеп "Ел тәрбиячесе -2015" республика бәйгесенең 1 этабы үткәрелде.Тәрбиячеләр үзләренең осталыкларын,зыялыкларын, күрсәттеләр, эш тәҗрибәләрен яктырттылар.Әлеге бәйгедә рус теле тәрбиячесе Пугачева Т.А.балалар бакчасында "Ел тәрбиячесе -2015" лаек булды.Район этабында да җиңүләр юлдаш булсын!