Татарстан Республикасы Хөкүмәте тарафыннан үткәрелгән "Татарстан Республикасы өчен иң яхшы 50 инновацион идеяләр" конкурсының "Мәгарифтәге инновацияләр" номинациясендә гимназия-интернатның "Мирасыбыз" интернет-проекты җиңүче дип табылды.

2012 елның 6-9 декабрендә Бөтендөнья татар конгрессының V съезды узачак. Съездда 800 делегат катнашачак. Шул исәптән, Россия Федерациясенең 61 төбәгеннән - 423 делегат, 218 — чит илдә яшәүче милләттәшләребез, 150 кеше — Татарстан Республикасыннан, 300дән артык — кунаклар һәм 120 журналист көтелә.
Съездда гимназия-интернатның директоры Ләйсән Фоат кызы да катнашачак һәм чыгыш ясаячак.

Бөтенрәсәй физик культура фәне буенча олимпиаданың муниципаль этабында гимназиянең 9б класс укучылары Шакирова Ләйлә һәм Минһаҗев Аяз призер булдылар. Җиңүчеләрнең укытучылары - Харрасова Алсу Расхат кызы. Котлыйбыз!

3-4 нче декабрь көннәрендә гимназиядә ата-аналар җыешлары узды.

Кичә "Созвездие-Йолдызлык - 2013" XIII Республика телевизион эстрада сәнгате фестиваленең 1 нче сайлап алу туры узды.

“КЭС-БАСКЕТ” Мәктәп баскетбол лигасы чемпионатының сайлап алу ярышында егетләр командасы 1 нче, кызлар командасы 2 нче урын яуладылар. Афәрин!

1 нче декабрь көнне район мәдәният сараенда хореография һәм фольклор коллективларның татар халык биюе һәм этнографик бию буенча республика “Шома бас” смотр конкурсының зона туры узды. Анда гимназиядән бер төркем укучылар катнашты.

1 нче декабрь көнне гимназиябездә Күзәтчелек советының II утырышы узды. Анда ТР фән һәм мәгариф министрының беренче урынбасары Д.М.Мостафин, КФУның филология һәм сәнгать институты ректорының уку-укыту буенча урынбасары Р.Х.Мирзаһитов, Актаныш муниципаль район башлыгы вазыйфаларын башкаручы Ф.М.Камаев һ.б. катнашты.

Республикакүләм Янгынга каршы куркынычсызлык  бәйгесенең   муниципаль этабында "Рәсем" номинациясендә 3а класс укучылары Хөрмәтуллин Таһир - 1 нче, Миргаязов Илдар - 3 нче, 5б класс укучысы  Макаева Алсу - 3 нче, 7б класс укучысы Ваншина Алия – 2 нче, 9а класс укучысы Салахов Рушан - 3 нче, "Кул эшләре" номинациясендә 9а класс укучылары Тимерова Илсинә, Исламова Илүзә - 1 нче, Дәүләтов Наил – 2 нче урыннарны яуладылар. Котлыйбыз!

Бөтенрәсәй инглиз теле буенча олимпиаданың муниципаль этабында гимназиянең 11 нче класс укучысы Валькова Алена (фотода) )җиңүче булды (укытучысы - Тимиров Лилия Флүн кызы). 10 нчы класс укучысы Шәвәлиева Гүзәл - призер (укытучысы Әюпова Ләйсән Рәшит кызы). Афәрин!