21, 23  нче сентябрь көннәрендә гимназиябез укучылары Казан һәм Чаллы шәһәрләренә экскурсиягә бардылар. Укучылар төрле музей, паркларда йөрделәр, кинотеатрда кино карап ял итеп кайттылар.

12 нче сентябрьдә укытучыларның районкүләм җәйге сартакиадасында: 

гер күтәрүдә Миргаязов Ренат - 3 урын, йөрегү (100 м) Фәрдиева Регина - 3 урын , VIP йөгерү Галиәхмәтов Артур - 2 урын, шашка Абдуллина Миләүшә - 1 урын, озынлыкка сикерү Харрасова Алсу - 1 урын, биеклеккә сикерү Харрасова Алсу - 1 урын, канат тарту (Сибгатуллин Ришат, Бакиров Рүзил, Гарипов Рамил, Фәрдиева Регина, Сабирҗанова Эльвира – 1 урыннарны яуладылар. 

Гимназия-интернат коллективы гомуми нәтиҗә буенча  3 урынга лаек булды.

5 нче сентябрьдә районкүләм парк һәм скверлар елына багышланган чаралар  үтте. Гимназия-интернат укучылары да бу чарадан читтә калмады, без Актанышның Ленин паркында түбәндәге чаралар үткәрдек: музыкаль уен коралларында папурри,  аудитория белән уеннар (шар ату, твистер уены), аквагрим, твистинг, фотосессия,  узып баручылар белән “Әйдә биибез!” флешмоб, татар халык милли уеннары.

3 нче сентябрь көнне гимназия – интернатта җырчы, продюссер Илназ Сафиуллин белән кызыклы  очрашу үтте. Укучылар белән Илназ Сафиуллин җанлы әңгәмә  алып барды, сорауларга җавап бирде, үзенең язган җырларын тамашачы белән башкарды. Очрашу вакытында актив укучыларга үзенең альбомын бүләк итте. 

Бүгеннән яңа уку башланды. Ул безгә яңа уңышлар алып килсен. Исәнлек-саулык, бәхет телибез. Хәерле сәгатьтә!

Мәгариф хезмәткәрләренең август киңәшмәсе кысаларында узган "Заманча мәгариф: яңа стратегик ориентирлар – яңа чишелешләр” исеме астындагы конкурста гимназия-интернатның күргәзмәсе җиңүче дип табылды.

Гимназия-интернат әзерләгән чәчәк композициясе чәчәк бәйрәмендә иң матуры дип табылды һәм 1 нче урынга лаек булды.

Кичә Татарстан Республикасы Президенты вазыйфаларын вакытлыча башкаручы Рөстәм Миңнеханов Актаныш муниципаль районындагы эш сәфәре вакытында гимназия-интернат эшчәнлеге белән танышты. Аңа гимназия-интернат укучылары үзләренең проектлары тәкъдим иттеләр. Рөстәм Нургали улы  "Бүләк" ял-сәламәтләндерү лагере, "Агыйдел" форумы катнашучылары белән әңгәмә корды. Шулай ук уку йортының торышы, җиһазланышы белән танышты.

Гимназия-интернат укучысы Илсинә Тимерова "Алтын каләм - 2015" фестивале нәтиҗәләре буенча татар журналистикасы номинациясендә Гран-при иясе булды. Афәрин, Илсинә!

Каләм тибрәтүче балалар, үсмерләр һәм яшьләрнең республика “Алтын каләм” фестивале быел егерменче тапкыр уздырылды. Гимназия-интернаттан фестивальдә Тимерова Илсинә, Салахова Айсинә, Саттарова Диләрә һәм Габдрәхимова Лилия катнашты.