Бөтенроссия дөнья сәнгате (МХК) фәне регион олимпиадасында укучыларыбыз зур уңышка иреште.

9Б класс укучылары Юнусова Рания, Камилҗанова Динара – җиңүче, 10А класс укучысы Мөхәмәтдинова Лиана призер булдылар.

Кызларны һәм аларның укытучылары Абдуллинаны Миләүшә Мәгъсүм кызын зур җиңүләре белән котлыйбыз.

15 февраль – татар халкының герой-шагыйре Муса Җәлилнең юбилее – 115 еллыгы гимназиядә күп төрле чаралар белән билгеләп үтелде.

Укучылар туган ягы – Мостафа авылында урнашкан музейга виртуаль сәяхәт кылдылар, М.Җәлил шигырьләреннән поэтик флэшмобта катнашылар. 

Милли мәктәпләр өчен рус теле фәне буенча республика олимпиадасы нәтиҗәләре билгеле булды.

Гимназиянең 10А класс укучы Вәлиева Нәфисә җиңүче (укытучысы Э.Ф.Шәгъзамова).

Патриот шагыйрь – Муса Җәлилгә – 115 ел тулу уңаеннан китапханәче Э.М.Исламова тарафыннан күргәзмә оештырылды.

Гимназиянең инфоматына яшь җырчы Сәйдә Мөхәммәтҗанова башкаруында М.Җәлилнең “Җырларым”ына төшерелгән яңа клибы куелды.

Бүген әлеге дата уңаеннан классларда тәрбия сәгатьләре, кичке чаралар үткәреләчәк.

Бүген районыбызда Әфган җиреннән Совет гаскәрләре чыгарылуга 32 ел тулуга багышланган митинг оештырылды.

Гимназиянең 10 сыйныф укучылары әлеге митингта катнаштылар.

14 февраль көнне Актанышта “Йолдызлык -2021” фестиваленең район туры гала-концерты үтте.

Бу көнне сайлап алу турларыннан үткән иң яхшы номерлар Әлфия Авзалова исемендәге район мәдәният йорты сәхнәсендә күрсәтелде.

Бөтенроссия физик тәрбия фәне буенча регион тур нәтиҗәләре билгеле булды.

Гимназиянең 10А класс укучысы Гарипов Булат, 11А классыннан Ибраһимов Раил, 11Б класс укучысы – Хуҗина Әдилә призер булдылар.

Укучыларны һәм аларның остазлары Алсу Раскат кызы Харрасованы уңышлары белән ихлас котлыйбыз.

13 февраль көнне гимназиядә ата-аналар җыелышы үтте. 

Җыелыш “Туган телләр һәм халыклар бердәмлеге” елына багышланган иде. Шул уңайдан, җыелышта чыгыш ясарга КФУ доцентлары К.С.Фәтхуллова һәм Р.Х.Мирзаһитовлар чакырылган иде.

Бөтенроссия география фәне буенча республика тур нәтиҗәләре билгеле булды.

Гимназиянең 8А класс укучысы Галиев Илназ призер булды.

Илназны һәм аның укытучысы Рөстәм Уел улы Фәйзуллин уңышлары белән ихлас котлыйбыз.

“Туган телләр һәм халыклар бердәмлеге елы” уңаеннан, технология укытучысы Г.Ф.Хөснетдинова кызларга татар орнаментларының үзенчәлеген өйрәтә.

Бүген бишенчеләр технология дәресендә халкыбызның иң матур бизәге - лалә чәчәген чигәргә өйрәнделәр.