октябрь 2021 нче ел.
Әлеге көн 5 нче сыйныф укучылары хәтерендә иң якты, иң күңелле, горурлык белән искә алырлык хәтирә булып сакланыр. Бүген алар  тантаналы шартларда гимназистлыкка кабул ителделәр. Бер-берсенә ышанычлы дус, гомерлек терәк булырга, милләтенең тарихын белергә һәм аңа хезмәт итәргә, әхлак нормаларын сакларга, үзләрен сүздә түгел, эштә күрсәтергә, гимназист исеме белән горурланырга, гимназия данын якларга, уңышларын арттырырга сүз бирделәр.

Гимназиядә сәламәтлек көне. СӘЛАМӘТЛЕК - кешенең иң зур байлыгы. Сәламәт булганда гына кеше үзенең теләкләренә ирешә, әйләнә тирәдәге матурлыкны таный ала, тормыштан ямь таба, шаяра,  хыяллана. "Адымнар-Актаныш" гимназиясе укучылары бүген сәламәт булуга таба алга бер адым ясадылар.

12 нче октябрь көнне Казан Федераль Университеты базасында "Старт" дип аталган педагогик мәктәптә гимназиябезнең татар теле һәм әдәбияты укытучысы Шәрипова Чулпан Рәмзил кызы катнашты. Бирегә республиканың иң көчле укытучылары жыелган иде. Чулпан Рәмзил кызы студентлар һәм университет мөгаллимнәре өчен мастер-класс үткәрде, методик остаханә эшчәнлеген оештырды

"Боекмас өчен күңелләр, кимсенмәс өчен йөрәк – Сез кирәк, укытучылар, безгә һәрчак Сез кирәк!"
Укучыларыбызның укытучылар көненә ясаган рәсемнәреннән күргәзмә.

Егетләр интернатында кичке чара "Нәрсә? Кайда? Кайчан?" интеллектуаль уены узды. Оештыручы Салахова Гөлназ Анфас кызы укучыларда үз белемнәрен өзлексез камилләштерүгә омтылыш тәрбияләү өстендә даими эшләүче тәрбиячеләребезнең берсе

"Балалар – безнең киләчәгебез. Аларга нинди тәрбия бирсәк, нинди гамәлләргә өйрәтсәк, илебезнең, халкыбызның киләчәге дә шундый булыр". 
Интернатта кызлар белән әхлак дәресләре. Дәресләрне Усманова Тәхия Әхтәм кызы алып бара.

Өлкәннәр ункөнлеге башланып китте.  Декада кысаларында укучылар әби-бабайларга ярдәм итәләр. Аларга карата хөрмәт, яратуларын белдерәләр

"Татарстан кроссы - 2021"
???? Хафизова Зилә, Илдарханов Динар - 1 урын.
????Гилфанов Камил - 2 урын.
????Харрасов Ильмар, Султанов Альмир - 3 урын
Сафиуллина Адилә - 5 урын.
Кросста актив катнашкан һәм жиңү яулаган йөгерүчеләребезгә афәрин!

Интернатта егетләр белән "Без аралаша беләбез" дигән темага психологик тренинг үтте.  Тренинг усмерлэргә  үзеңнең һәм башкаларның хис - кичерешлэрен һәм уз - үзен тоту мотивларын анларга,  төрле ысуллар ярдэмендэ башкалар белэн узара йогынты ясашырга, нәтижәле аралашырга ярдәм итүне күздә тотты

Россиянең һәм Татарстанның атказанган архитекторы, Түбән Кама шәһәрендә озак еллар баш архитектор булып хезмәт куйган якташыбыз Ханов Фирдәвис Гайнетжан улы үзенең хезмәттәш дуслары белән гимназиядә булды, Әлфия Авзалова музее һәм гимназия белән танышты. Очрашу истәлеге итеп үзенең "Архитектор" китабын бүләк итте