Мәгълүмати технологияләр өлкәсендә "Урок цифры" бөтенроссия  мәгариф проекты кысаларында укучылар ясалма интеллект эшенең нигезләре һәм принциплары, шулай ук бу өлкәдә карьера мөмкинлекләре белән танышты. Ясалма интеллект буенча дәрес видеолекциядән һәм онлайн-тренажердан тора. Лекциядән укучылар ясалма интеллектның ничек эшләнүе һәм анда нәрсә эшләргә кирәклеге турында белделәр. Тренажерда Data Scienсе өлкәсендәге карьераның барлык этапларын үтеп, пилотсыз автомобильләр өчен мөстәкыйль алгоритм төзеделәр.

Әлмәт татар дәүләт драма театры бүген "Адымнар-Актаныш" гимназиясе укучыларына "Кайда минем илем?» документаль спектаклен (режиссеры Ильяс Гәрәев) тәкъдим итте. «Идел-Урал» легионы вәкиле, якташыбыз Гарәф Фәхретдинов истәлекләре буенча сәхнәләштерелгән спектакль фашист әсирлегендә, соңрак легионда газап-михнәт кичкән, концлагерьдан җай чыгу белән үз ягына качу теләге белән янган, сугыштан соң совет лагерьларында җәфа чиккән ачы язмышлы каһарманнар турында..

"Адымнар-Актаныш" полилингваль гимназия-интернатының "Ак нур" вокаль ансамбле егет-кызлары Мәскәү каласында "Могҗизалар кыры" тапшыруын төшерүдә катнашып кайтты. Яшь талантларыбыз Казан шәһәренең 15 мәктәбе директоры Иван Филатовның командасы буларак чыгыш ясады һәм сынатмады. Сәнгатьне яратучы укучыларыбыз белән горурланабыз!
Тапшыруны 1 октябрь көнне 19 сәгать 45 минутта карарга мөмкин булачак

Артист булу өчен нинди сәләткә ия булу кирәк, артист булу авыр һөнәрме, грим салу серләре укучылар өчен кызыклы булды.

Мәктәптә янгын куркынычсызлыгы кагыйдәләре буенча өйрәнүләр үткәрелде

5-7 сыйныфлар белəн "Күңелле эстафета" үткəрдек. Эстафетаны Исламова Зөлфия Зəет кызы оештырды

Мәктәп хезмәткәрләре, Мөслим районының үзәк китапханәсе белән Габдула Тукай исемендәге мәктәпнең эшчәнлеге белән танышты, милли белем бирү буенча фикер алышты.

"Дуслык бит ул - тормыш үзəге" дигəн жомга чарасы. Шарифуллина Алия Вил кызы үткәрде

Гимназия укучылары "Көзге мәрхәмәтлелек атнасы"на кушылды. "Көн саен игелек кыл!" шигаре астында дуслык, изгелек, шатлык, ярдәм, бердәмлек кебек бик матур гамәлләр бизәде көннәрне. Әйдә, син дә безнең белән!

Гимназиябез бүген беренче тапкыр "Адымнар-Актаныш" күптелле гимназия-интернат" буларак укучыларны кабул итте. Барлык укытучыларны, укучыларны, әти-әниләрне 1 сентябрь - Белем бәйрәме белән котлыйбыз! Зирәк акыл, ижади уңышлар теләп калабыз