Гимназиябез укучылары пионерия туган көнгә әзерләнә! Быел үткәннәрнең якты хатирәсе булып күңелдә калган пионер оешмасы төзелүгә 100 ел тула! Тарихка күз салсак, 1922 елда Мәскәү урамнарында тигез сафларга тезелгән кызыл галстуклы балалар күренә башлый. Болар беренче пионер отрядлары була. Шул ук елның 19 маенда комсомолның II Бөтенроссия съезды пионер оешмалары төзү турында карар кабул итә. Аның нигезендә барлык шәһәрләрдә, авылларда пионер оешмалары төзелә башлый. Әлеге истәлекле көн уңаеннан, без дә хәтер яңартып алырга, өлкән буынны кызыл галстуклы яшьлек елларына алып кайтырга әзерләнәбез.

5а ,б ,в, г классларында инглиз теленнән йомгаклау аттестациясе - телдән имтихан.

Гимназиякүләм уздырылган “Макулатура җыю” акциясенә тантаналы линейкада нәтиҗә ясалды бүген. Беренче урынны 8 а сыйныфы укучылары яулады. “Иң күп кәгазь тапшыручы” номинациясендә җиңүчеләр – 8 а сыйныф укучылары Мәрьям Хаитова һәм Илина Фәрдиева. Котлыйбыз!!!

2021-2022 уку елында фән олимпиадаларында иң күп призер һәм җиңүчеләр әзерләгән гимназиябез районкүләм бәйгедә Гран-при яулады. Актаныш районы башлыгы Энгель Нәвап улы Фәттахов гимназиябез җитәкчесе Венера Хәмәтнәсыйх кызы Хәевага сертификат тапшырды.

ТР Дәүләт идарәсен цифрлы нигездә үстерү, мәгълүмат технологияләре һәм элемтә министрының беренче урынбасары Илья Сергей улы Начвин гимназиябездә булып, “Акыллы мәктәп”, цифрлаштыру, IT проектлар эшчәнлеге белән танышты. Цифрлаштыру юнәлешендә гимназиябезнең алга куйган бурыч-максатлары, үсеш стратегиясе хакындагы фикерләрен Илья Сергей улы түгәрәк өстәл барышында белдерде.

Кызлар интернатында 5-8 сыйныфлар арасында җомга чарасы "Әйләнә-тирәдә эстафета" ярышы узды. Тәрбияче - Хуҗина Зөһрә Спартак кызы.

Хөрмәтле укучылар, әти-әниләр! 27 нче май көнне гимназиябездә 5 сыйныфка сайлап алу имтиханнары уза. Имтихан рус теле һәм математика фәннәре буенча үткәрелә.

7-12 май көннәрендә гимназиябездә «Төп һәм урта белем бирү программаларын тормышка ашыручы белем бирү оешмалары арасында иң яхшы интернат тәрбиячесе» районара конкурсы узды. Бәйгедә Татарстанның Актаныш һәм Мөслим районнарыннан 12 тәрбияче катнашты. Абсолют җиңүче - Сәлахова Гөлназ Әнфәс кызы ("Сәләтле балалар өчен гуманитар гимназия-интернат»), 1 урын - Мансурова Айгөл Сәгыйт кызы ("Сәләтле балалар өчен гуманитар гимназия-интернат"), 2 урын - Шәрифуллина Алия Вил кызы ("Сәләтле балалар өчен гуманитар гимназия-интернат"), 3 урын - Бухарова Резеда Зәкәри кызы (Мөслим районы “Сәламәтлек мөмкинлекләре чикләнгән балалар өчен Түбән Табын мәктәп-интернаты”), лауреат - Хуҗина Зөһрә Спартак кызы ("Сәләтле балалар өчен гуманитар гимназия-интернат"). Котлыйбыз!

7-8 сыйныфларда геометрия фәне буенча йомгаклау аттестациясе башланды.

Гимназиябезнең укучылары Себер һәм Ерак Көнчыгышның туган телләре буенча төбәкара олимпиадада катнаша. Олимпиада дистанцион режимда уза. Регионара олимпиаданы Алтай Республикасының Мәгариф һәм фән Министрлыгы оештыра. Бүгенге олимпиадада Алтай, Бурятия, Саха (Якутия), Татарстан, Тыва, Хакасия һәм Кемерово өлкәләреннән 9-11 сыйныф укучылары катнаша.