27 апрельдә Чаллының «Энергетик» мәдәният сараенда «Моңлы дөнья» I Халыкара фестиваль-конкурсның гала-концерты булды. Бу - уен коралларында уйнаучылар бәйгесе. Кайсы гына районнардан, төбәкләрдән катнашучылар юк иде монда, фестивальнең географиясе киң: Татарстан, Башкортостан, Удмуртия, Төмән, Владикавказ республикалары, Казан, Чаллы, Түбән Кама, Балтач, Зәй, Актаныш, Теләче, Әтнә, Әлмәт шәһәрләре... Әлеге бәйгедә Лимар да катнашты һәм II дәрәҗә лауреат исеменә лаек булды. Аңа киләчәктә дә уңышлар теләп калабыз! Молодец, Лимар! Сине җиңүең белән котлыйбыз!

6а һәм 6б сыйныф укучылары технология дәресендә укытучы апалары Гүзәл Фәрит кызы Хөснетдинова белән берлектә пицца пешерделәр. Тәмле сый белән бергәләп сыйландылар да!

Егетләребез интернатта бүген оригами ясадылар. Тәрбияче - Мансурова Айгөл Сәгыйть кызы.

27 нче апрель көнне гимназиябездә ифтар ашы үтте.

Милли рәсем һәм чигү буенча Әминә Гаянова укучылар белән мастер-класс үткәрде.

10 һәм 11 сыйныф егетләренең кичке актив ялы. Тәрбиячеләре Гөлназ Әнфәс кызы Сәлахова.

Гимназиябездә дә, "Бүләк"тә дә язгы җыештыру-чистарту эшләре дәвам итә. Фотода 10 сыйныф укучылары - чираттагы өмәдән соң.

Флүс Латыйфи исемендәге ХI "Сәләткә нур булган йолдызлар" республика ачык әдәби конкурсында катнашып, 8в сыйныф укучысы Айсылу Мортазина "Шигърият" номинациясендә 1 урын яулады! Остазы - Айгөл Ралиф кызы Әхмәтгалиева. 9 а сыйныф кызлары Әдилә Зиязетдинова, Руфинә Гарифуллинаның да ( остазлары - Зөлфия Мәзһар кызы Хафизова) актив катнашулары билгеләп үтелде. Иҗади җиңү белән котлыйбыз, кызларыбыз!

4а сыйныф укучысы Әхмәтгалиев Самирны тәүге җиңүе белән котлыйбыз! Ул «Хикмәтле дә, бизәкле дә туган тел» I республикакүләм фәнни-гамәли конференциясендә уңышлы чыгыш ясап, 2 урынга лаек булды!