Бүген гимназиябездә тантаналы линейка Россия Федерациясе һәм Татарстан Республикасы флаглары белән, гимннар яңгыратып узды.

Татарстан Республикасы мәктәп волейбол лигасы турнирының зона этабы Актанышта узды быел. "Батыр" спорткомплексында барган ярышларда гимназиябезнең волейболчы кызлары уенын горурланып күзәтеп бардык! Алабуга, Зәй, Әгерҗе командалары белән уйнады алар. Алабуга, Зәй командаларын 2:0 исәбе белән җиңде кызларыбыз! Әгерҗеләр безне 2:0 исәбе белән җиңде. Иң көчле дүрт команда исәбенә кердек. Чаллы командасы белән очколар тигез иде - 3 әр очко. Коэффициент югары булганлыктан, Чаллы командасына өстенлек бирелде. Кызларыбызны, тренерыбыз Ленар Ибнеевны әлеге лаеклы җиңү белән котлыйбыз! Афәрин!!!

Перед подачей письменного заявления на прием в школу необходимо подать электронное заявление через портал ГОСУСЛУГИ.РТ! Алгоритм подачи электронного заявления размещен на нашем сайте в разделе "Прием в школу".

Гимназиябезнең егетләр волейбол командасы Башкортостанның Дүртөйле районында узган турнирда җиңү яулады! Актаныш, Дүртөйле, Яркәй, Чакмагыш командалары арасында, матур уен күрсәтеп, беренче калды. Егетләребезне, тренер Ленар Ибнеевны котлыйбыз!!! Молодцы!

Хәерле иртә, дуслар! Бүген безне "Ак инеш" ансамбле егет-кызлары сәламли. "Созвездие-Йолдызлык 2022" фестивалендә Гран-при яулады алар! "Ак инеш" ансамбле белән без һәрвакыт иҗади хезмәттәшлектә. Молодцы, егет-кызлар! Без сезнең өчен ихлас сөенәбез!

Гимназиябез укучылары Яр Чаллы шәһәрендә - "Мин татарча сөйләшәм" фестивалендә!

Сәнгать (МХК) буенча Бөтенроссия олимпиадасының йомгаклау этабында катнашып, 10 а сыйныфы укучысы Динара Камильянова призер булды. Укытучысы - Миләүшә Мәгъсүм кызы Абдуллина. Котлыйбыз!!!

Интернатта яшәүче кызлар "Татарстан белгечләре" дигән уенны аеруча да ошаттылар. Белемнәрен дә сынадылар, Татарстан тарихы, аның мәдәнияте һәм традицияләре белән кызыксынулары да артты. Укучылар өчен тәрбияче Резеда Шамил кызы Рафикова әзерләгән биремнәр мавыктыргыч булды. Һәр биремне бик теләп үтәделәр, үзләренә күп мәгълүмат алдылар.

Татарстан мөфтие Камил хәзрәт Сәмигуллин 20 апрельдә - Рамазан аеның 19 нчы көнендә гимназиябезгә килде. Камил хәзрәт укучыларны, укытучыларны, әти-әниләрне, дәү әти-дәү әниләрне Рамазан ае белән тәбрикләде һәм кыскача вәгазь сөйләде, ураза тотуның шартлары, ураза төрләре һәм дәрәҗәләре, Рамазан аенда Коръән укуның фазыйләтләре турында аңлатып узды, ислам динендә гасырлар дәвамында дөньяның төрле илләрендә дини һәм дөньяви гыйлем биргән татар галимнәре, аларның хезмәтләре турында сөйләде. Вәгазь кичәсе Коръән аятьләре уку һәм дога кылу белән тәмамланды.

Гимназиябезнең 10 сыйныф укучысы Әмирсалих Анамов "Газпром" олимпиадасында катнашып, химия профиле буенча җиңү яулады - III дәрәҗә дипломга лаек булды. Укытучысы Рузилә Ильдар кызы Гарипова. Котлыйбыз!