Сегодня в школе прошли классные часы посвященные Всемирному дню борьбы со СПИД ом. Активисты школы организовали акцию "СТОПВИЧСПИД".

Профилактический отряд школы выступил перед учащимися школы по антинаркотической тематике.

Безнең кызларыбыз ТНВ каналында узучы Халыкара "Тамчы -шоу" бәйгесендә уңышлы чыгыш ясап кайттылар. Укучыларыбыз Мактау хатлары, китаплар һәм Камал театрына чакыру белән бүләкләнделәр.

Бүген мәктәбебездә кунакта ТНВ каналының "Хәбәрләр"  тапшыруы хәбәрчеләре булып китте. Алар Бишбатман авылыннан безгә укырга килеп йөрүче урыс кызы Анастасия Пустынникова турында репортаж төшерделәр.

Бүген мәктәптә КФУ галиме, тарих фәннәре кандидаты Әскәр Гатин укучыларга ачык дәрес уздырды. Укучыларга чын галим белән очрашу, аның тарафыннан әйтелгән, сөйләнгән тарихи вакыйгалар шаһиты булу файдалы булды дип әйтәсе килә. 

  Көзге уңыш - "Сөмбелә" бәйрәме укучыларның иң яраткан бәйрәмнәреннән берсе. Быел ул тагын да матуррак, күңеллерәк узды. Һәр класс үзләре әзерләгән уңыш күргәзмәләрен, композицияләрен, тәҗрибә папкаларын, иҗади чыгышларын әти-әниләре һәм мәктәп коллективына тәкъдим итте. Чара чәй өстәле артында дәвам итте. 

Быел Казан шәһәрен Явыз Иван гаскәрләре тарафыннан алынуына 465 ел тулды. Шул уңайдан мәктәп укучылары өчен "Хәтер көне" темасы астында класс сәгате узды. Чараны тарих укытучысы, тарих фәннәре кандидаты Камил Шәкуров уздырды.

Бүген мәктәптә Укытучылар көненә багышланган бәйрәм кичәсе узды. Укучылар яраткан мөгаллимнәренә үз чыгышларын бүләк иттеләр. Чакырылган кунаклар үз теләкәрен җиткезделәр. Бәйрәмдә шулай ук ветеран укытучылар да катнашты, аларга профсоюз оешмасы бастырган махсус китаплар бүләк ителде.

Мәктәп профсоюз оешмасы лаеклы ялда булган 29 ветеран укытучы һәм хезмәткәрләрне өлкәннәр һәм укытучылар көне белән котлап бүләкләр тапшырды.