Әниләр көненә багышлап социаль челтәребездә флешмоб үтә. "Әнием һәм мин" дип аталган фото һәм видеоларгызны җибәрә аласыз.

Бүген бакчабыздә сәнгати-эстетик үсеш буенча тәрбиячеләр өчен методик берләшмә утырышы узды. Утырыш проект технологияләренә багышланды. Тәҗрибә уртаклашу кысаларында яңа педагогик технологияләр һәм методлар күрсәтелде, мастер-класслар оештырылды.

Шәхси гигиена атналыгы уртанчылар төркеме өчен бик кызыклы узды. Микроблар турында күп мәгълүмат белделәр. Кадерле табибыбез Люция Камилевна һәм тәрбияче Әлфия Альбертовна зарарлы һәм файдалы микроблар белән якыннан таныштырдылар. Соңыннан балалар бу организмнарны әвәләп ясап та карадылар. Зурлар төркемендә шәфкать туташыбыз Айгөл Талгатовна прививкаларның файдасы турында сөйләп китте.

Бүген бакчабызга Эколяталар - Умница һәм Елочка килде. Алар белән бергә Песнәк көнен үткәрдек. Спорт уеннары, ярышлар белән күңел ачтык. Соңыннан җимлекләр элдек.

Бакчабызда Халыклар бердәмлеге көне уңаеннан уенлы-җырлы күңел ачу кичәсе узды. Халыкка бай илебезнең төрле уеннарын уйнап, җырларын җырлап, биюләрен биеп уздык. Илебезнең иң зур байлыгы - ул аның халкы. Шигъри һәм музыкаль әсәрләр аша халыклар бердәмлеге көне турындагы күзаллауны киңәйтеп, Ватанга мәхәббәт һәм патриотизм үстерү өстендә эшлибез.

Бакчабызда "Көзге матурлык" исемле күргәзмә эшли. Катнашыгыз килсә, рәхим итегез! Көзге тематикага төрле чималлардан кул эше ясагыз һәм төркемне бизәгез️. Бергә кул эше эшләү бала белән әти-әни арасындагы мөнәсәбәтне якынайта.

Бакчабызда гөрләп Олылар көне үтте. Ел саен үткәрелүче, матур гадәткә кергән бу бәйрәмне сагынып көтеп алабыз. Күп еллар бакчабызда балаларга тормышларын биргән коллегаларыбызны күрергә, хөрмәтләргә шатбыз

Бүген яшь педагогларыбыз - укытучы-логопедлар Гөлия Фәнисовна һәм Алинә Фамилевна тырышлыклары өчен Вахитов һәм Идел буе районары мәгариф бүлегенең мактаулы кагәзе белән бүләкләнделәр. Чын күңелебездән котлыйбыз, эшләрегездә уңышлар телибез

"Халык мәрҗәннәре" проекты кысаларында бакчабызда А.Толстой иҗатының төп герое Буратиноның 90 еллык бәйрәме уздырылды. Буратино инде ничә еллар балаларга мәктәп һәм белемгә омтылыш тәрбияләүче персонаж. Бәйрәмнең 80нче мәктәп белән берлектә уздырылуы да әһәмиятле.

Бакчабызда Бердәм юл хәрәкәте куркынычсызлыгы атналыгы:

- Кечкенәләрдән зурлар да калышмый. Юл йөрү кагыйдәләрен дидактик уеннар аша кабатлыйбыз, истә калдырабыз, белем арттырабыз.

- Мәктәпкә әзерлек төркеме белән зур юл чатын күзәтергә чыктык. Юл хәрәкәте иминлеге юнәлешендә эшләгәндә балаларны якындагы зур юллар, юл билгеләре, чатлар белән таныштырабыз.