Әйләнә-тирә белән танышу,  андагы гүзәллекне, терек һәм терек булмаган табигатьне күзәтү максатыннан бу көннәрдә мәктәбебез укучылары экскурсиягә чыктылар. 

Хуш, мәктәбем!-диеп әйтмәсәк тә, 

Китмәсәк тә төрле тарафка-

Күңелләр буш. Моңсу. Яңа бүлмә. Күчеш. Урнашу.

Иң авыры бүген безгә-

Укытучың белән хушлашу.

25 нче май көнне мәктәбебездә "Соңгы кыңгырау" бәйрәме булып узды.  Укучыларыбызны район администрациясеннән, мәгариф идарәсеннән, авыл җирлегеннән  килгән җитәкчеләр бәйрәм белән котлап, алдагы тормышларында уңышлар теләде.  Бүген 11 нче сыйныф укучылары олы тормышка аяк баса. Ә олы тормышка юл, әлбәттә, мәктәптән башлана. Уңышлар, сезгә укучылар!

Кошлар да бер шулай таралалар,
Сау бул инде, туган оябыз!
Офыкларга карап очар өчен
Иңнәрдә без канат тоябыз.

Әйтерсең лә пар атларда үтте
Кыңгыраулы мәктәп еллары;
Күңелләрдә гомерлеккә калыр
Шушы соңгы моңлы чыңлавы.
Кыңгыраулы мәктәп еллары!..

Ак юл сезгә,чыгарылыш сыйныф укучылары!

19 май көнне Казан шәһәрендә су моделләре буенча ачык беренчелек үтте. Әлеге ярышта безнең мәктәптән Загриев Солтан, Хабибуллин Рамазан, Шайхуллин Илҗфар катнашты. F3E һәм эко мини классларында уңышлы чыгыш ясап, Шайхуллин Ильфар 3 урын яулады. Җитәкчеләре Имамиев И.И. 

В.Гарифуллин исемендәге "Серле каләм" иҗат бәйгесендә укучыларыбыз Муллагалиева Ләйлә һәм Муллагалиева Ләйсән актив катнашып, дипломнарга ия булдылар. 

Бөек Җиңү бәйрәме уңаеннан бүген укучыларыбыз "Үлемсез полк" акциясенә кушылып, тантаналы рәвештә авыл уртасындагы һәйкәл янына килделәр. Биредә тыл ветераннары, сугыш чоры балалары өчен әдәби-музыкаль кичә үткәрелде, сугыштан кайтмый калганнар хөрмәтенә бер минут тынлык игълан ителде. Митингка килгән кунаклар ветераннарны бәйрәм белән котладылар, илебез күгенең һәрчак аяз, тыныч булуын теләделәр. Бәйрәмнең икенче өлеше мәдәният йортында дәвам итте. 

«Круглый стол» на тему “Как создать правильный пароль”

Бүген мәктәбебез укучылары, Закиров Д.Р. белән берлектә авылыбыз зиратында җирләнгән Бөек Ватан сугышы ветераннарының каберләренә Георгий лентасын тагу оештырдылар. 

Кешелек тарихында су чыганаклары, бигрәк тә чишмәләр кадер-хөрмәткә лаек булган. Чишмәләр буенда һәрвакыт чисталык-пөхтәлек, тәртип иде. Су чыганакларын пычратучылар зур гөнаһлы ке- шеләрдән саналган, аларны хәтга җәзалаганнар да. Чөнки чишмәләр кешелекнең яшәү чыганагы, аларның «саулыгы» чишмәләргә һәм башка су чыганакларына бәйле. 29 нчы апрель көнне чишмәләрнең гүзәллеген саклау максатыннан, 5-7 нче сыйныф укучылары чишмә тирәләрен җыештырдылар. 

27 апрель көнне мәктәп коллективы территорияләрне, дамба буйларын җыештыру буенча язгы өмә үткәрде. Бу чарада барлык укучылар, укытучылар, хезмәткәрләр дә катнашты: коелган үләннәр, былтырдан коелып калган яфраклар, көнкүреш чүп-чарларын җыеп түктеләр.