Җәй- иң гүзәл ел фасылларының берсе. Җәйге чор җитү белән безнең "Бәләкәч"бакчасы искиткеч әкияти илгә әверелә. Мәктәпкәчә яшьтәге балаларда әкият зур кызыксынучанлык тудыра. Балалар әкият персонажларын яраталар. Иртән капканы ачып керүгә балаларны "Колобок" әкиятеннән- Аю белән куян, "Царевна лягушка" әкиятеннән-Бака балаларны елмаеп каршы алалар.

Ә бакчаның "Кояшлы" ягында Африкага эләккәндәй буласың.   

Бүген балалар белән Саба үзәк мәчеткә экскурсиягә бару оештырылды. Балаларны мәчеттә дин әхелләре каршы алды. Мәчет белән таныштырдылар, берничә аять укыдылар. Балаларга үз-үзеңне тоту, әхлаклы, тәрбияле булырга өндәделәр. Экскурсия аларга бик тә ошады.

Мәчеттән чыккач мәңгелек ут янында әңгәмә үткәрелде.

1 июнь балаларны яклау көнендә үткәрелгән бәйрәмдә «Детству безопасные дороги” дип исемләнгән конкурста катнашып урыннар алган балаларны да тәбрикләделәр. Безнең бакчабыздан “Лучшая аппликация” номинациясендә зурлар төркеменнән Назмиев Камиль 2 урынга лаек булды һәм грамота белән бүләкләнде. Шулай ук Давлетшина Илүзә, Хайбриев Ильяр, Хузин Ильзат һәм Мухамадияров Инсафны кызыксындыру бүләкләре белән котладылар.

Саба балалар иҗат үзәгендә 1 июнь - балаларны яклау көненә багышланган  бәйрәм булып үтте. Шул уңайдан “Олимпийский наш привет” конкурсында җиңү яулаган командалар үзләренең чыгышларын күрсәттеләр. Безнең бакчабыз балалары уңышлы чыгыш ясап,  1 нче призлы урынга лаек булдылар. Балаларны район мәгариф бүлеге начальнигы урынбасары Билалова Ләйсән Ракиповна котлады, мактау грамотасы һәм истәлекле бүләкләр тапшырды.  Балаларга алдагы конкурсларда да уңышлар телибез.

Балалар - ин зур коч!
Балалар - киләчәк!
Балалар хакына
Тынычлык булачак!

Балалар- безнен килэчәгебез! Аларны яклыйк ,саклыйк!
Балаларнын шатланганын
Ишетсен Жир, тынласын Жир!
Балаларнын колүеннән
Берчакта да тынмасын Жир!

Чыгарылыш кичәсенә кунакка урманнан Убыр һәм бакчабызның иясе Кузя килгән иде. Алар балаларыбызның белемнәрен тикшерделәр, төрлечә сынадылар. Балалар барлык биремнәрне төгәл үтәп, үзләренең мәктәпкә әзерлекләрен күрсәттеләр. Ә кунакларыбыз бик кәнагать калып, аларга матур теләкләр, укуларында зур уңышлар теләп, хушлаштылар.

Бакча белән саубуллашу көне.

Ул гаҗәеп моңсу, сагышлы.

Шундый көн бу – олы бәйрәм үзе.

Үзгәртә дә куя язмышны

Кадерле балалар! Менә мәктәп яшенә кадәр үсеп җиттегез. Бакчага килгән беренче көнегезне хәтерегезгә төшерегез әле. Сөйләшә дә белмәгән, әле яңа тәпи киткән балалар инде мәктәп яшенә җиткәннәр. Әлеге бакчада шатлыкларыбыз да, борчуларыбыз да уртак булды. Бергә көлдек, бергә уйнадык, шаярдык. Бүген безгә бик моңсу. Шуклыклары белән безне сагайткан, уңышлары, шат авазлары белән сөендергән нәни дусларыбыз бездән китә. Алар безгә күпме күңелле мизгелләр бүләк иттеләр, зур ярдәмчеләребез булдылар. Ләкин барыбер күңелебез сөенә. Карагыз, алар барысы да нинди матурлар, исән-саулар, эш дигәндә мин-мин, дип, ял иткәндә җырлыйм-биим дип торалар, күзләре кызыксынудан янып тора. Балалар! Киләсе тормышыгызда да матур истәлекле вакыйгалар күп булсын. Бүгенге бәйрәм көне дә күңелегездә мәңге саклансын иде. Мәктәптә дә тырыш, тәртипле булыгыз. Ак юл сезгә.

Сәламәтлекне ныгыту

Тора алгы планда.

Уеннарда, ярышларда

Сынатмыйбыз- без алда!

25 нче май көнне Лесхоз боз сараенда булып узган ярышта безнең бакчабызда тәрбияләнүче мәктәпкә әзерлек төркеме балалары 1 нче урын яулап кайттылар. Бу аларның ел дәвамында шөгыльләнгән өстәмә хөнәрләренең нәтиҗәсе. "Бәләкәч" командасы 1 урын өчен медальләр һәм кубок белән бүләкләнде.

Зурлар төркеме балалары белән укытучы - логопед Алия Азатовна "Тылсымлы хәрефләр" дип исемләнгән кичә уздырылды. Һәр хәрефкә багышланган шигырьләрне балалар сәнгатьле  итеп сөйләделәр.