Кызыктырмый чит - ят җирләр,

Хәтта оҗмах бакчасыда.

Үзебездә безнең җәннәт - "Бәләкәч" бакчасында.

Тышта бик җылы булса да,

Тун кигәннәр бәбкәләр.

Яңа гына тусалар да,

Йөгерешеп йөриләр.

Кызлар бакчабызны матурлау, бизәү өчен барлык осталыкларын да кулланалар. 

Сабинтуй - халкыбызның иң көтеп алынган һәм яратып уздырыла торган бәйрәмнәрнең берсе. Ул - татар халкының уңганлыгыннан, булганлыгын, тырышлыгын, сәләтен, көчен ачып бирә торган бәйрәм.

Күңелле сабан туйлары

Бүген бәйрәм, зур бәйрәм.

Матур җырлар җырлый-җырлый

Уйныйбыз әйлән- бәйлән.

Без җырлыйбыз сабан туйда

Иң матур җырлар сайлап.

Безнең җырга зәңгәр күктән

Кошлар кушыла сайрап.

Сабантуй барлык таләпләргә дә туры китереп үткәрелде: Иң беренче гармун уйнатып бирнә җыю үткәрелде. "Сабантуйга килегез " җыры белән бәйрәмне башлап җибәрдек. Сабантуй балаларның шигырьләре, җырлары, матур биюләре белән үрелеп барды. 

Сабантуйда бау тартышу, капчык киеп йөгерү, күз бәйләп чүлмәк вату, кашыкка йомырка салып йөгерү, капчык сугышы, көрәш уеннары балаларга бик тә ошады. Уеннарда бик теләп катнашып, рәхәтләнеп күңел ачтылар. 

Сабан туенда көрәшеп

Бил бирмәскә өйрәник.

"Без һәрвакыт әзер!"-дигәч,

Җиңелмәскә өйрәник

25 нче июнь көнне спорт комплекста узган чыгарылыш кичәсендә,  "Бәләкәч" балалар бакчасында тәрбияләнүче Лиана Лукманова  "Казаным" дип исемләнгән җыры белән чыгыш ясады.

Аланнарда - җиләк исе,

Басуларда - иген исе,

Җәйләүләрдә - сөт исе....

Тагын аллы - гөлле чәчәк,

Кайнар кояш өстисе -

Шушы булыр җәй төсе!

Тәрбиячеләребез ясаган кояштан

Бакчабыз тирә - юне

Яктырак, күңеллерәк,

Җылырак булып китте.