Бүген 9-11 класс укучылары катнашында Налог белемнәре көне уңаеннан дәрес узды. Олы Кибәче авыл җирлеге Башкарма комитеты сәркатибе Хөсәенова Р.Р. югары класс укучыларына налоглар, аларның төрләре турында сөйләде. Җыелган налогларның нинди максатларда тотылуы турында мәгълүмат бирелде.

27 сентябрь көнне Саба балалар иҗат үзәгендә узган "Ватан"  халык иҗаты бәйгесенең хореография номинациясендә "Тамчы" бию коллективы татар халык биюе белән чыгыш ясады. 4 класс укучысы Хамидуллина Ләйлә вокал номинациясендә  "Чулпан" исемле татар халык җырын башкарып, 3 урын яулады. Җитәкчеләре-өстәмә белем бирү педагогы Шафикова Г.Р.

"Наркотикларсыз тормыш" айлыгы кысаларында  башлангыч класс  укучылары өчен "Белергә хакым бар" интернет-дәресе узды. "Тыелган уеннар" дигән мультфильм аша  начар гадәтләрнең кеше организмына никадәр зыян салуы аңлатылды. Укучылар сәламәт яшәү рәвеше алып барырга кирәклеге турында үз фикерләрен җиткерделәр.

26.09.2013 көнне "Наркотикларсыз тормыш" айлыгы кысаларында 9-1 класс укучылары өчен әңгәмә узды. Төбәк авылы  фельдшеры Ибушева Н. Х. югары класс укучыларына  наркотикларның кеше организмына ничек начар  тәэсир итүе, бу яман гадәттән тулысынча котылу бик сирәк очракта гына мөмкин булуы турында сөйләде. Мөстәкыйль тормышка аяк басу алдында торган укучыларга Наилә Хөснулловнаның биргән киңәшләре бик файдалы һәм үтемле булды.

Бүген мәктәбебездә "Экстремизмга-Юк!" айлыгы планы нигезендә эвакуация  уздырылды. Укучыларның төрле гадәттән тыш хәлләр килеп чыккан очракта  мәктәптән тизрәк чыгу күнекмәләрен  камилләштерү  максатыннан узган бу чарада МЧС вәкилләре дә катнашты. Алар укучыларга чишенү бүлмәсендә килеп  чыккан янгынны "сүндерү" күренешен күрсәттеләр.

Мәктәбебездә "Наркотикларсыз тормыш" айлыгы дәвам итә. 24 сентябрь көнне узган ата-аналар җыелышында мәгариф бүлеге начальнигы Шакиров И.Ф.,  мәгариф бүлеге начальнигының тәрбия эшләре буенча урынбасары Шафикова Г.И., район прокуроры ярдәмчесе Гаффарова Л.Г., Саба үзәк шифаханәсе анестизиологы  Мортазин И.Г., участок инспекторы Хасбиев А.Ф., авыл җирлеге башлыгы Гатауллина Ф.Х. катнашты. Ата-аналар мәктәптә булган профилактика чаралары, аларның  нәтиҗәлелеге, республика һәм район буенча статистик мәгълүматлар белән таныштырылды. 

Бүген 5-7 класс укучылары өчен "Белергә хакым бар" Интернет-дәресе уздырылды, "Территория безопасности" фильмы күрсәтелде. Әлеге чарадан укучылар наркотиклар һәм башка яман гадәтләрнең упкынга илткәнлегенә, ә сәламәт яшәү рәвеше алып баруның уңышка юл икәнлегенә төшенделәр.Дәресне тәрбия эшләре буенча директор урынбасары Измайлова Г.М. уздырды.

Бүген узган атналык линейкада атналык эшкә йомгак ясалды. "Кышкы әкият" Бөтенроссия  дистанцион конкурсында 3 урын алган Шакирова Гөлназ, Шафиков Рүзәл, "Татарстан йөгереше-2013" йөгерешендә призлы урын алган укучылар Грамоталар белән бүләкләнде.

"Наркотикларсыз тормыш" айлыгы кысаларында рәсем һәм плакатлар бәйгесе узды.Укучылар үзләренең эшләрендә начар гадәтләр урынына сәламәт яшәү рәвеше сайлауларын, наркотикларсыз тормышның гына бәхеткә илткәнлеген чагылдырганнар.

21 сентябрьдә  район күләмендә уздырылган  көзге кросста безнең мәктәп командасы 2 урын яулады. Афәрин!