Бүген 9 класс укучылары рус теле, татар теле, инглиз теле һәм математикадан on-lin тестированиедә катнаштылар.

12 декбрьдә район күләмендә мөмкинлекләре чикләнгән балалар арасында узган шашка ярышында 11 класс укучысы Маннанова Гөлчәчәк 2 урын яулады. "Как прекрасен этот мир" рәсем бәйгесендә Маннанова Гөлчәчәкнең рәсеме 2 урынга, ә Хузиахметов Ирекнең рәсеме 1 урынга лаек булды. Котлыйбыз аларны!

Бүген 10 класс укучылары төрле фәннәрдән белемнәрен сынадылар: on-lin тестированиеда катнаштылар.

Бүген 5-8 классларда Валентина Терешкованың Космоска очуына 50 еллык уңаеннан "Галәмдә хатын-кыз" дигән темага класс сәгате узды. Укучыларга беренче космонавт хатын-кызның балачагы, яшьлеге, аэроклубта шөгыльләнүе, космонавтлар отрядындагы тренировкалары, Космоска очуы, хәрби дәрәҗәләре, уңышлары турында бай мәгълүмат бирелде. Дәресне тәрбия эшләре буенча директор урынбасары Измайлова Г.М. уздырды.

7 ноябрьдә Килдебәк урта мәктәбендә узган "Татарстан Республикасы бадминтон Федерациясе" Кубогына узган ярышларда безнең мәктәптән 8 кешелек команда катнашты. Алар 5нче урын яулап, республикакүләм ярышта катнашу хокукына ия булдылар.  Бадминтончыларыбызга уңышлар телибез.

Бүген мәктәп укучылар думасы утырышы узды. Утырышта алдагы атнада эшләнгән эшләргә йомгак ясалды.Яңа ел бәйрәмнәрен нинди формада үткәрү турында сөйләшенде, тимурчылык эшен җанландырырга кирәклеге әйтелде.

Бүген мәктәбебездә волейбол буенча зона ярышы узды. Ярышларда 6 мәктәп командасы катнашты. 1 урында Завод-Нырты урта мәктәбе, 2 урында Арташ төп мәктәбе, 3 урында Шытсу урта мәктәбе командалары. Җиңүчеләрне котлыйбыз!

Инвалидлар декадасы уңаеннан барлык классларда класс сәгатьләре узды. "Яхшы эшләр генә кылыйк", "Игътибарлы һәм ихтирамлы булыйк!" девизы астында узган бу әңгәмәләрдә укучылар мөмкинлекләре чикләнгән кешеләргә һәрвакыт игътибарлы булырга, кулларыннан килгәнчә ярдәм итәргә сүз бирделәр. Ялгыз яшәүче өлкән кешеләргә тимурчылык  ярдәме күрсәтелде.

1-10 декабрь  көннәрендә мәктәбебездә инвалидлар декадасы уңаеннан төрле чаралар планлаштырылган. Бүген барлык классларда "Яхшы эшләр генә кылыйк"

(1-7 класс), "Игътибарлы һәм ихтирамлы булырга кирәк" (8-11 класс) дигән темаларга класс сәгатьәре узды.

Дәресләрдән соң да мәктәптә тормыш кайнап тора. Түгәрәкләр, консультацияләр уза. Хореография түгәрәгенә йөрүче укучылар  Яңа ел бәйрәме өчен яңа бию өйрәнә башладылар. Җитәкчеләре Гөлсу Рафикҗановнаның һәр хәрәкәтен яхшылап үзләштерсәң, күнегүләрне кат-кат  кабатласаң,  матур бию килеп чыгасын белгәнгә күрә, һәркем бик тырышып шөгыльләнә.