Бүген Казан шәһәренең Идел буе районы мәктәпләре арасында мини- футбол ярышы булып узды. Әлеге ярышта  2010- 2011  һәм 2012- 2013 елгы егетләр көч сынашты. Ике категориядә дә гимназиябез укучылары 3 урынга лаек булдылар. Без аларны зур җиңүләре белән котлыйбыз!!! Укучыларны ярышка әзерләгән өчен физик тәрбия укытучылары Лилия Камилевна һәм Әлфия Гомәровнага рәхмәтләребезне белдерәбез!

Бүген укучыларыбыз гәүдәне күтәрү буенча “Хезмәткә һәм оборонага әзер бул!” (ГТО) нормативларын тапшырып бетерделәр. ГТО барышында укучылар көч, җитезлек, тизлек һәм гамәли күнекмәләрне тикшерделәр. 

Гимназиябез укучылары һәм хезмәткәрләре “Китапка икенче тормыш бүләк ит” акциясендә бик актив катнаштылар. Чара мәктәп китапханәләрен белем алу әсбаплары, фәнни-популяр, кызыклы, белешмә китаплар белән баету максатыннан үткәрелде. Әлеге акция ярдәме белән гимназия китапханәсенә барлыгы 140 китап бүләк ителдеБарлык катнашучыга зур рәхмәтләребезне белдерәбез!!!

Гимназибезнең башлангыч сыйныф укучылары «Чулпан» мәдәният үзәгендә язучы Нәкый Исәнбәтнең «Мырау Батыр» спектаклен карап кайттылар. Сәхнә бизәлеше, әсәрнең сюжеты һәм куелышы- барысы да балаларга бик ошады!

Гимназиябез китапханәсендә 7А һәм 7В сыйныфы укучылары өчен "Шәпләр арасында иң шәбе!" дип исемләнгән интеллектуаль мавыктыргыч һәм кызыклы уен үткәрелде

Видеога сылтама: https://vk.com/id715397316?z=video715397316_456239323%2F3fcfbe8d9800fb74c4

26 нчы һәм 27 нче октябрь көннәрендә гимназиядә "Кабак party- 2023" кичәсе уздырылды. Көзге кичә барышында укучылар бию, җыр, театр осталыкларын күрсәттеләр һәм төрле номинацияләрдә җиңү яуладылар. Шулай ук "Иң үзенчәлекле костюм" номинациясендә җиңүче укучыларыбыз да бүләкләнделәр. "Кабак party- 2023" кичәсе дискотека белән тәмамланды.

Көзге каникул алдыннан, укучылар арасында яллар куркынычсыз, файдалы үтсен өчен төрле чаралар башланып китте. ЮХИДИ инспекторы укучыларга куркынычсызлык кагыйдәләре турында сөйләде, юлда, транспортта үз- үзеңне дөрес тоту кагыйдәләре белән таныштырды.

Бүген "Россия- минем горизонтларым" дәресе кысаларында 7 - 11 нче сыйныф укучылары белән профориентацион квест үткәрелде. Укучылар һөнәри юнәлеш буенча төрле сорауларга җаваплар эзләделәр. Әлеге уен форматында үткәрелгән чара бик кызыклы һәм мавыктыргыч булды.

Киләчәк һөнәреңне сайлау – һәркем тормышында мөһим адым. Киләчәктә кем булырга, нинди һөнәр сайларга, мәктәптән соң укуны кайда дәвам итәргә? Әлеге сорауларга җаваплар табу максатыннан гимназиябездә һөнәри юнәлеш буенча һәрдаим эш алып барыла.
Бүген гимназиябезгә УФСИН инспекторы Музафаров Илшат Шамилевич югары сыйныф укучылары белән очрашуга килде. Илшат Шамилевич шушы юнәлештә белем бирә торган Россия югары уку йортлары белән таныштырды, хезмәте турында сөйләп китте.

Гимназиябездә 1нче чиреккә йомгак ясап, тантаналы рәвештә линейкалар узды. Линейка барышында төрле бәйгеләрдә, олимпиадаларда катнашкан укучылар бүләкләнделәр. Махсус чакырылган кунак, балигъ булмаган балалар белән эшләүче инспектор Садыкова Рената Айратовна хокук бозулар һәм законнар турында сөйләп китте. Гимназия директоры Гөлшат Әбүзаровна каникул вакытында үз- үзеңне тоту кагыйдәләре белән таныштырды, укучыларга күңелле һәм файдалы яллар теләде!