Гимназиябезнең 3В һәм 4Б сыйныфы укучылары Бөтендөнья сүзлекләр һәм энциклопедияләр көне уңаеннан «Барысын да белгән китаплар» исемле мәгълүмати чарада катнаштылар. Укучылар беренче белешмәләрнең кайчан барлыкка килгәнен, сүзлекләрнең энциклопедияләрдән нәрсә белән аерылып торуын белделәр. Балалар белешмәләрнең XVI гасырдан башлап безнең көннәргә кадәр тарихы белән таныштылар. Чара ахырында укучылар викторинада катнаштылар һәм фразеологизмнар буенча биремнәр эшләделәр.

"Минем җылым солдатка"- әлеге исем астында гимназиябездә Ватан геройлары көне уңаеннан махсус хәрби операциядә катнашучы солдатларыбызга ярдәм акциясе башлыйбыз.
Хөрмәтле гимназиябез укучылары, укытучылар һәм әти-әниләр! Йөрәге белән булышасы килгәннәрдән:
- җылы киемнәр (перчатка, бияләйләр, оекбашлар, носкилар, баш киемнәре, балаклавалар);
- озак саклана торган ризыклар (тушенка, сгущенка, кәнфитләр, кофе, чәй, печенье);
- фонарьлар;
- татарча җырлар белән флешкалар;
- хатлар, рәсемнәр сорыйбыз.

Акция 28 ноябрьгә кадәр дәвам итә.

Барысы да батырларыбыз хакына!

Гимназиябезнең “Алдынгылар хәрәкәте”нең беренчел бүлек советы рәисе, 10 нчы сыйныф укучысы Галиев Нияз "Лидер и его команда" дип исемләнгән конкурста проект эшен тәкъдим итте һәм 3 нче урынны яулады. Ниязны зур җиңүе белән котлыйбыз, алга таба уңышлар телибез!!!

Гимназиябезнең 4В сыйныфы укучылары белән балалар язучысы Николай Николаевич Носовның тууына 115 ел булуга багышланган «Күңелле маҗаралар» исемле әдәби сәгать уздырылды. Укучылар Николай Николаевичның биографиясе белән таныштылар, иҗади эшчәнлеге ничек башланганын белделәр. Язучы үз әсәрләре мисалында балаларны яшәештә кирәк булган сыйфатларга өйрәтә. Чара ахырында укучылар Николай Носов хикәясе мотивлары буенча төшерелгән «Фунтик һәм кыярлар» мультфильмын карадылар һәм сорауларга җаваплар бирделәр.

Гимназиябезнең 8Б сыйныфы укучылары сыйныф җитәкчеләре Ләйсән Ринатовна белән берлектә Кәрим Тинчурин исемендәге Татар дәүләт драма һәм комедия театрында "Аферист" комедиясен карап кайттылар. Язучы Нәкый Исәнбәтнең «Портфель» пьесасы буенча куелган «Аферист» комедисе үз хаталарыңнан сабак алырга, җаваплы булырга өнди.

Бүгенге "Мөһим сөйләшүләр" дәресе гаилә мөнәсәбәтләре темасына багышланган иде. Укучылар гаиләдә үзара ярдәм, ихтирам, әти- әниләрне ярату һәм хөрмәтләү, якыннарың турында кайгырту кебек кыйммәтләр турында фикер алыштылар.

Гомер буе безне озата бара
Әниләрнең күңел аклыгы.
Тирә-юньгә якты нурлар сибә
Әниләрнең күңел сафлыгы.
Хөрмәтле әниләр һәм әбиләр! Сезне 23 нче ноябрь көнне сәгать 16:00 Әниләр көненә багышланган бәйрәм концертында көтеп калабыз!!!

Гимназиябездә чиккән, бәйләнгән һәм бисердан эшләнгән кул эшләреннән "Хәтер бизәге" дип исемләнгән күзгәзмә оештырылды. Актив катнашкан барлык сыйныф укучыларына рәхмәтләребезне җиткерәбез!!!

Видеога сылтама: https://vk.com/club216931602?z=video-216931602_456239194%2Fea83f49f072b8fa338%2Fpl_wall_-216931602

Идел буе районы мәктәпләре арасында уздырылган КЭС- БАСКЕТ ярышында гимназиябезнең баскетбол командасы егетләре яхшы нәтиҗәләр күрсәттеләр. Афәрин, егетләр!!!