2 нче ноябрь көнне Кәрим Тинчурин исемендәге Татар дәүләт драма һәм комедия театрында гаилә һәм мәктәп театрларының «Гаилә тарихы», «Театрның яше юк» I Республика фестиваль-конкурсының гала-концерты узды. Әлеге чарада гимназиябезнең 8А сыйныфы укучысы Әминова Мәрьям "Әни килде" әсәре белән "Иң яхшы хатын- кыз роле" номинациясендә җиңү яулады Мәрьямне чын күңелдән зур җиңүе белән котлыйбыз, алга таба уңышлар телибез!!! Театр җитәкчеләре Фәния Наилевна һәм Гөлфия Рөстәмовнага рәхмәтләребезне җиткерәбез!!!

1 нче ноябрь көнне гимназиябездә зур чара уздырылды. Казан шәһәренең Вахитов һәм Идел буе районнарының мәктәп директорларын, тәрбия эшләре буенча директор урынбасарларын, директор киңәшчеләрен һәм педагог- оештыручыларны "Алдынгылар хәрәкәте" сафларына кабул иттеләр. Тантаналы чарада Казан шәһәренең Вахитов һәм Идел буе районнары администрациясе башлыгы Салихов Альберт Иршатович, Вахитов һәм Идел буе районнары буенча Мәгариф идарәсе җитәкчесе Басыйрова Фәридә Илдаровна, «Алдынгылар хәрәкәте»нең Казан бүлекчәсе җитәкчесе, ТР Дәүләт советы депутаты Бариев Динар Раилович катнашты. "Алдынгылар хәрәкәте" сафларына басучыларның күкрәкләренә хәрәкәтнең билгесе- түштамгалар беркетелде. Наставник- остазлар "Без-бергә!" сүзләрен әйтеп яңа әгъзаларның кулларына берләштерүче беләзекләр тактылар.
Каникул вакыты булуга карамастан, булышырга килгән активистларыбызга, укытучылар коллективына администрация исеменнән зур рәхмәтләребезне белдерәбез!

Видеога сылтама: https://vk.com/club216931602?z=video-216931602_456239189%2Fd4926890d5bb585bb3

2В сыйныфы укучылары сыйныф җитәкчесе Сиринә Ринатовна белән СоюзМультПаркта экскурсиядә булып кайттылар. Укучылар яраткан мультфильм геройлары белән бергә анимация һәм заманча технологияләр дөньясына чумдылар. Балалар әлеге могҗизалы урыннан бик канәгать калдылар!

Каникуллар дәвам итә! 7А сыйныфы укучылары Кырлай авылына сәяхәт кылдылар. Кырлайдагы "Габдулла Тукай исемендәге әдәби-музей комплексы"нда танылган шагыйрь Габдулла Тукайның тормыш юлы белән таныштылар. Укучылар кызыксынган сорауларын бирделәр, үзләре өчен яңа мәгълүмат тупладылар.

6В сыйныфы укучылары көзге каникулны бик кызыклы чара белән башладылар. "Миңлебай" сыр студиясендә уникаль сыр ясау мастер-классында катнаштылар! 
Мастер- класста балалар командада эшләргә өйрәнделәр һәм яңа «сыр ​​җитештерүче» һөнәрен үзләштерделәр  Шулай ук һәр укучы сыр турында кызыклы фактлар өйрәнде, «Косичка» сырын үз куллары белән ясадылар, сырлар турында интерактивта катнаштылар.

Видеога сылтама: https://vk.com/club216931602?z=video-216931602_456239188%2F1ba5179b624b874b11

2Б сыйныфы укучылары сыйныф җитәкчесе Лилия Гансовна белән берлектә Татар дәүләт "Әкият" курчак театрында "Мырау Батыр" спектаклен карап кайттылар

3А сыйныфы укучылары "Шәһәр панорамасы" музеенда экскурсиядә булдылар. Әлеге интерактив музейда укучылар иң заманча технологияләр аша Казан тарихы белән таныштылар. Уникаль макетлар, экспонатлар һәм интерактив стендлар балаларга бик ошады.

7Б сыйныфы укучылары "Миңлебай" студиясендә булып кайттылар. Укучылар сыр җитештерү үзенчәлекләрен өйрәнделәр һәм сыр ясау буенча мастер- класста катнаштылар. Балаларга әлеге чара бик ошады!

5Б сыйныфы укучылары сыйныф җитәкчесе Айгөл Гәптелмәҗитовна белән берлектә кинотеатрда булып, күңелле ял итеп кайттылар!

"Алдынгылар хәрәкәте" гимназиябез укучыларына бик күп мөмкинлекләр бирә. Россия буенча танылган топ иллюзионист Спартак Диво белән очрашу бик позитив һәм кызыклы атмосферада узды. Укучылар үзләрен кызыксындырган сорауларны бирделәр, бүләкләр оттылар, төрле фокуслар карадылар. Әлеге чараны оештырган өчен "Алдынгылар хәрәкәте" җитәкчеләренә һәм директорның тәрбия буенча киңәшчесе Мансурова Гөлчәчәк Әсхать кызына рәхмәтләребезне белдерәбез!!!

Видеога сылтама: https://vk.com/id715397316?z=video-222311097_456239069%2Fd749743f7d04045fdd%2Fpl_wall_715397316