Гимназиябездә ел саен декабрьнең беренче ун көнендә Инвалидлар декадасына багышланган чаралар уза. Шул уңайдан директор киңәшчесе Мансурова Гөлчәчәк Әсхатовна «Җылылык бүләк итәбез» дип исемләнгән акция үткәрде. Мәктәп укучылары һәм әти-әниләр ярдәме белән «Солнечный» реабилитация үзәгенә ярдәм оештырылды. Укучылар мөмкинлекләре чикле балалар өчен оештырылган мастер-класска да бардылар.
Акциягә теләктәшлек белдереп 2А, 6А сыйныф укучылары әти-әниләре белән берлектә игелек акциясенә кушылдылар. Алар Казан шәһәренең «Апрель» реабилитация үзәгендә мәктәпкә әзерлек төркеменә йөрүче балаларга уку- язу өчен кирәк- яраклар бүләк иттеләр.
Адәм баласына һәрчак нидер җитми, ашыга, тормыштан зарлана. Янәшәдә генә ярдәмгә мохтаҗларның моң- зарларын ишетми. Язмыш кимсеткән бу кешеләрнең яшәүләре зур батырлык! Аларны җылы караштан, җылы сүздән мәхрүм итмик. Сәламәтлекнең кадерен белеп, түземле, шәфкатьле булырга өйрәник!

Видеога сылтама: https://vk.com/club216931602?z=video-216931602_456239201%2Fffcfd756fbe40858b3

Волонтёрлар көне уңаеннан укучылар белән "Кем ул волонтёр?" дигән темага сөйләшү алып барылды, “Мин – волонтёр. Бу миңа нигә кирәк?” исемле фильм күрсәтелде. Ничек волонтёр булырга?
- Нинди эшчәнлек өлкәсендә булышырга теләгәнегезне ачыкларга.
- Волонтёрлык хәрәкәтен сайларга һәм гариза язарга.
- Волонтерлык эшчәнлегенә күпме вакыт багышлый алуыгызны хәл итәргә.
Волонтёр булу – катлаулы һәм авыр, ләкин һәрвакыт рәхмәтле һәм җаваплы хезмәт!

Гимназиябездә "Интернетта иминлек кагыйдәләре" дигән темага сыйныф сәгатьләре уздырылды. Укучылар белән интернет челтәрендә нинди куркынычсызлык кагыйдәләрен үтәргә, шәхси сайт яки битеңне ничек сакларга кирәклеге турында сүз алып барылды.

Бүгенге "Мөһим сөйләшүләр" дәресләр циклы "Без бергә!" темасына багышланган иде. Укучылар волонтёрлык һәм социаль хезмәт төшенчәләре белән таныштылар. Сөйләшү ахырында волонтёрлык хәрәкәтендә катнашу үзеңне төрле өлкәләрдә тормышка ашыру мөмкинлеген бирә, коммуникатив һәм профессиональ күнекмәләрне үстерүдә ярдәм итә дигән фикер ясалды.

Гимназиябездә "Билгесез солдат көне" уңаеннан 6 сыйныфларда Хәтер дәресләре үткәрелде. Укучылар үзләренең гаиләләрендә хәбәрсез югалган бабалары турында сөйләп үттеләр. "Билгесез солдат" дип исемләнгән документаль фильм карадылар. "Билгесез солдат көне" безгә үз тарихыбызны онытмаска, бабаларыбызның батырлыкларын искә алырга мөмкинлек бирүче тагын бер истәлекле дата булып тора.
 

Гимназиябез укучылары "Чулпан" мәдәният үзәгендә уздырылган Татарстанның “Беренчеләр советы” рәисен сайлауда актив катнаштылар!

Видеога сылтама: https://vk.com/club216931602?z=video-222311097_456239081%2Fd6c85c534bdd91d5ce

Гимназиябезнең 7А сыйныфы укучысы Галиев Кәрим "ШАЯН ТВ" каналы командасы белән берлектә Мәскәүдә үткәрелгән Халыкара "Россия" күргәзмә- форумы кысаларында уза торган Татарстан көнендә катнашып кайтты

Бүген гимназиябез базасында психологик- педагогик юнәлештәге профилле мәктәпләр өчен интеллектуаль уен- квиз үткәрелде. Укучылар төрле фәннәр буенча көчләрен сынадылар.

Бүген антикоррупция темасына багышланган “Нәрсә? Кайда? Кайчан?" интеллектуаль уенның район этабы уздырылды. Чарада укучыларыбыз яхшы нәтиҗәләр күрсәттеләр!
Уенның максаты– балаларда ришвәтчелеккә карата тискәре мөнәсәбәт уяту, хокук бозуга карата җаваплылык формалаштыру.

Гимназиябезнең 10 нчы, 11 нче сыйныф укучылары Казан федераль университетының мәдәниятара багланышлар институтында булып кайттылар. Әлеге очрашу профориентация максатыннан үткәрелде.