Гимназиябезнең "Яшь экологлар" түгәрәгенә йөрүче 4Б сыйныфы укучылары җитәкчеләре Илсияр Илгизовна белән берлектә 1 нче һәм 2 нче сыйныф укучыларына якынлашып килүче "Песнәкләр көне" уңаеннан проект эшен тәкъдим иттеләр. Укучылар песнәкләр турында белемнәрен арттырдылар, плакатлар ясадылар. Балаларда табигатькә карата игътибарлы, сакчыл булуны кечкенәдән тәрбияләү бик әһәмиятле.

Видеога сылтама: https://vk.com/club216931602?z=video-216931602_456239191%2Ffc52c5318d94b8f96c

Бүген 7 нче һәм 9 нчы сыйныф укучылары "Киләчәккә билет" Бөтенроссия һөнәри юнәлеш проекты кысаларында "Киләчәк лабораториясе" күргәзмәсендә булып кайттылар

«ГАЛӘМ» УКУЧЫЛАРЫ «РОССИЯ БӨРКЕТЛӘРЕ» САФЛАРЫНДА!

Бүген безнең гимназиядә башлангыч сыйныф укучыларын «Россия бөркетләре»нә багышлау тантанасы узды. Барлыгы 382 бала иптәшләре һәм укытучылары алдында әлеге хәрәкәт сафларына кабул ителделәр. Укучыларны «Россия бөркетләре» сафларына алу тантанасы Россиянең һәм Татарстанның дәүләт гимннарын башкарудан башланып китте. Гимназиябез директоры Фәсхетдинова Гөлшат Әбүзәровна укучыларны шушы тантаналы көн белән котлап теләкләрен җиткерде. Аннары укучылар Бөркет турында матур легенда тыңладылар.
Легенда белән танышкач һәр укучыга тантаналы рәвештә хәрәкәтнең символлары булган тамгалар, рәсми таныклыклар һәм махсус эмблемалы капчыклар тапшырылды. Укучылар чара барышында «Россия бөркетләре»нең девизын һәм гимнын башкардылар. Тантаналы матур бәйрәм флешмоб белән тәмамланды.
Безнең «Россия бөркетләре» әлеге исемне лаеклы йөртәчәк, киләчәктә безнең гимназиянең һәм илебезнең горурлыгы булачак дип өметләнәбез. Укучыларга уңышлар һәм яңа казанышлар телибез!

Видеога сылтама: https://vk.com/club216931602?z=video-216931602_456239192%2F352028abebd566cbe8

Бүген «Россия– минем горизонтларым» һөнәри юнәлеш бирү курсының чираттагы дәресе уздырылды. Укучылар цифрлы технологияләр өлкәсе, аның үзенчәлекләре белән таныштылар Хәзерге заманда әлеге һөнәрнең никадәр перспектив һәм мөһим булуы турында нәтиҗә ясалды. Шулай ук укучылар профориентация буенча әзерләгән проект эшләрен дә тәкъдим иттеләр.

Күренекле татар шагыйре һәм язучысы Шәүкәт Галиевның тууына 95 ел тулу уңаеннан, гимназиябезнең 2В һәм 3Б сыйныф укучылары белән "Шәвәли килде кунакка" дип аталган әдәби сәгать үткәрелде. Балалар шагыйрьнең тормышы һәм кызыклы әсәрләре белән таныштылар, фикерләре белән уртаклаштылар. Чара барышында сыйныф җитәкчеләре белән берлектә табышмаклар чиштеләр һәм физкультура ясадылар. Укучыларга аеруча «Мин- Шәвәли, шук малай» шигыре ошады.

Видеога сылтама: https://vk.com/club216931602?z=video-216931602_456239190%2Fdef8583e5f6412855c

8 ноябрь- Россия Федерациясе эчке эшләр органнары хезмәткәрләренең хезмәт бурычларын үтәгәндә һәлак булганнарны искә алу көне. Халык куркынычсызлыгын, тыныч, рәхәт яшәешен тәэмин итүдә нәкъ менә эчке эшләр органнары хезмәткәрләре иң мөһим урыннарның берсен тота. Әлеге хезмәт бик авыр, җаваплы һәм шул ук вакытта куркыныч булып санала.
Искә алу көне уңаеннан, гимназиябездә "Буыннан-буынга, хәтерлибез" дип аталган чара уздырылды. Укучылар бурычларын үтәгәндә һәлак булган геройларның исемнәре белән таныштылар, видеороликлар карадылар.

11 нче сыйныф укучылары сыйныф җитәкчесе Рушания Бәдретдиновна белән кинотеатрда "Ядәч! Истә!" фильмын карап кайттылар.

Халыклар бердәмлеге көне илебез өчен төрле милләт халыкларын берләштергән истәлекле көн. Без Россиянең кайсы гына өлкәсендә, республикасында яшәсәк тә, безне уртак максатлар берләштерә. Халыклар бердәмлеге көне уңаеннан гимназиябез укучылары һәм укытучылары "Мәдәни үзенчәлек" дип аталган онлайн- чарада катнаштылар. Алар үзләренең социаль челтәрләрендә туган ягыбызның милли үзенчәлекләрен чагылдырган фотолар урнаштырдылар.

Бүген гимназиябез Башкортостан Республикасыннан килгән делегацияне каршы алды. Әлеге очрашу гимназия белән танышу һәм  тәҗрибә уртаклашу максатыннан үткәрелде. Мәгариф өлкәсендә эшләүче коллегаларыбыз укыту һәм тәрбия процессы, уку әсбаплары белән таныштылар. Килгән кунакларыбыз гимназия турында бары тик уңай фикердә калдылар.

9А сыйныфы укучылары сыйныф җитәкчеләре Эльмира Вәгыйзовна һәм әти- әниләре белән берлектә Иннополис шәһәрендә экскурсиядә булып кайттылар. Фән, заманча технология һәм уңайлы тормышны берләштерә торган үзенчәлекле комплекс укучыларга бик ошады!