Буген 9, 11 сыйныф укучылары Казан Ярминкәсендә уздырылган "Карьера. Образование" дип исемләнгән күргәзмәдә булып кайттылар. Укучылар үзләре өчен күп кенә кызыклы яңа һөнәрләр белделәр

14-15 октябрь 1-11 сыйныфларда мәгълүмати технологияләр өлкәсендә бөтенроссия мәгариф проекты үткәрелде

12 октябрь 3А сыйныфы укучылары сыйныф җитәкчесе Резеда Фатых кызы белән ком белән рәсем ясау остаханәсендә булдылар

1в сыйныфы Габдулла Кариев исемендәге Казан татар дәүләт яшь тамашачы театры "Кәҗүл читек" дип исемләнгән спектакльдә булып кайтты.
Кәҗүл читек” спектакле – татар авылы тормышыннан матур күренешләр. Мәдрәсәдә әйбәт балалар, яхшы күңелле хәлфә, юмарт мулла белән аның чибәр абыстае, аның берсеннән берсе акыллы өч баласы, килене белән чөкердәшеп яшәүче карт абыстай, авыл көтүендәге тәртипле сыерлар... Бөтенесе шулкадәр тәмле итеп ясалган. Бер тискәре герой да юк. Гаилә белән бергә карарга менә дигән спектакль. Бала тәрбияләү өчен дини кулланма, вәгазь китабы. Күзне рәхәтләндерә торган эстетикасы бар.

4 А сыйныфы бүген Иске татар бистәсендә сәяхәттә булып кайтты. Экскурсиядән һәр бала үзенә күп мәгълүмат алды. Иске татар бистәсендә туган як тарихы, борынгы яшәеш бик кызыклы итеп аңлатылды. Халкыбызның милли киемнәре, гореф гадәтләре балаларның яшь үзенчәлекләренә туры килерлек дәрәҗәдә күрсәтеп аңлатылды. Музейның заманча оештырылуы балаларны кызыксындырды. Шулай ук милли ризыклардан авыз итеп, хуш исле чәй эчү бик тәмле һәм күңелле булды. Балалар рәхәтләнеп ял иттеләр. Соңыннан Кабан күле буендагы - сәяхәт балалар күңелендә якты истәлек булып калыр.

7А сыйныфы белән Горкий Эмэт паркында стартлы уеннарда да катнашып кайттык

Гимназиябездә яратып башкарыла торган чараларның бересе - агачларны саклап калу өчен макулатура тапшыру. Башлангыч сыйныфлар арасында беренче өчлекне яулаучылар:  1 урын - 3А сыйныфы, сыйныф җитәкчесе Резеда Фатых кызы, 2 урын - 1А сыйныфы,  сыйныф җитәкчесе Фаягөл Нәрим кызы, 3 урын - 1В сыйныфы, сыйныф җитәкчесе Гөлчәчәк Мансур кызы. Югары сыйныфлар арасында: 1 урын - 5Б, сыйныф җитәкчесе Гөлназ Мәҗит кызы, 2 урын - 6Б, сыйныф җитәкчесе Лилия Камил кызы, 3 урын - 5А, сыйныф җитәкчесе Флүзә Рүзәл кызы.  Әфәрин, укучылар! Барлык әти-әниләргә, укучыларга администрация исеменнән зур рәхмәт!

Казан шәһәре кооператив институты белән гимназия күп еллар тыгыз бәйләнештә эшли. күп кенә укучыларыбыз элеге институтта гимназияне тәмамлагач белем ала.  Булачак һөнәреңне алдан сайлау мөһим. 

Хөрмәтле укытучылар!!! Сез – безнең иң кадерлеләребез, үрнәк алырлык кешеләребез. Сез биргән белемнәр, сезнең үгет-нәсихәтегез безгә бүгенге авыр тормышта да дөрес юлдан тайпылмыйча, гел алга барырга ярдәм итә. Үзегезгә дә укучыларыгызның рәхмәтләренә төренеп, аларның ярдәмен тоеп яшәргә насыйп булсын. Атачак таңнарыгыз – аяз, туасы көннәрегез – кояшлы, төннәрегез – тыныч, сәламәтлегегез нык булсын.

4-10 октябрь көннәрендә Россия Мәгариф министрлыгы тарафыннан Бөтенроссия укытучылар атналыгы игълан ителде. Ул укытучының һөнәренә багышланган һәм аны популярлаштыруга юнәлтелгән чараларны үз эченә ала. Өлкәнең мәгариф министрлыгы укучыларга гына түгел, иртәгә, Укытучы көнендә дә, үзенең яраткан педагогын яки сыйныф җитәкчесен искә төшерергә һәм "Укытучы өчен шалтыратулар" акциясе кысаларында һөнәри бәйрәмнәре белән котларга тәкъдим итә. Яраткан укыөтучыларны  котлар өчен аңа телефоннан шалтыратырга, социаль челтәрләрдә архив фотосурәтләрен, педагог белән видеороликларны бастырырга яки укытучы һәм сыйныф белән бәйле кызыклы вакыйга сөйләргә тәкъдим ителә.