01.11.13 көнне мәктәпнең бәйрәмчә бизәлгән актлар залында 5-9 сыйныфлар өчен Көзге бал кичәсе узды.  Сценарий  буенча, Мәскәү телевидениесеннән килгән репортер иң яхшы номерлырны җыеп, телеизион тапшыру әзерләргә  яки кино   төшерергә тиеш. Кичә ахырында кызларның күңелен яуларга өлгергән репортер егет татар мәктәбендә үсеп килүче талантлы  укучыларның күплегенә соклану белдерә һәм киләчәктә барлык номерларның да үзәк телевидение аша эфирга чыгасын гарантияли.

Кичәдә һәр сыйныф тамашачыларга  бию, җыр, скетч  тәкъдим итте.  Бәйрәм чарасы көзге уңыштан сыгылып торган өстәл артында  сыйлану, уеннар һәм дискотека  белән дәвам итте.  Укучылар да, укытучылар да бу чараны бик ошатты. Катнашучыларга, чараны әзерләүдә, залны бәйрәмчә бизәүдә өлеш керткән һәркемгә  зур рәхмәтебезне җиткерәбез.

Күңелләрендә иҗат рухы дөрләүчеләр моңсу көздә дә күңел күтәренкелеге кичерә. Мәктәбебездә башлангыч сыйныф укучылары арасында “Алтын көз-Уңыш бәйрәме” темасына багышланган рәсем конкурсына йомгак ясалды. Урыннар билгеләгәндә, балаларның мөстәкыйльлеге, теманы ни дәрәҗәдә ачуы, төсләрнең уңышлы сайлануы исәпкә алынды.

Рәсем конкурсы җиңүчеләре грамотасы белән  1нче сыйныф коллективы бүләкләнде. (Укытучы Ганиева Гүзәл Фәнил кызы)

II урынга 1 нче сыйныфлар лаек дип табылды. (Укытучы Хәсәншина Розалия Нәҗип кызы)

III урынны  4нче сыйныф коллективы яулады. (Укытучы Ганиева Иркәнур Исламнур кызы)

Конкурста катнашучыларга һәм аларны әзерләүче укытучыларга мәктәп администрациясе исеменнән рәхмәт белдерәбез һәм иҗади уңышлар телибез.

01.11.13- башлангыч сыйныф укучылары катнашында “Уңыш бәйрәме” узды.  Шат җырлар, бәйрәмчә бизәлгән зал, көзге уңыштан пешерелгән тәм-томнар, яшелчә, җиләк –җимешләрдән эшләнгән күргәзмә, табигый материаллардан ясалган әйберләр – барысы да бәйрәмнең онытылмас истәлеге булып, күңелләрдә озак сакланыр

 Мәктәптә Халыклар Бердәмлеге көненә багышланган  чаралар башланды. Тематик рәсемнәр конкурсында Колмөхммәтов З. Һәм Әхмәдиева Р. рәсемнәре  иң уңышлы дип табылды. Аларга тагын да зуррак иҗади уңышлар телибез, катнашучы барлык укучыларга рәхмәт белдерәбез. Башка укучыларыбызны активрак булырга чакырабыз.