Мәктәптә рус теле һәм әдәбияты атналыгы кысаларында 13.02 көнне шигырь конкурсы узды. Башкарылган әсәрләр М.Җәлилнең “Моабит дәфтәрләре” ннән һәм замандаш шагыйрьләрнең Әфганстандагы сугышка, анда һәлак булган ватандашларыбызга багышланган  әсәрләр циклыннан алынган иде. Сөйләүчеләр үзләре сайлаган әсәрне рус яки татар телендә башкардылар.  Иң яхшы башкаручы итеп (рус телендә) 6 нчы сыйныф укучысы Исмоилова Айгөл билгеләнде, татар телендәге әсәрне 7 нче сыйныфтан Әхмәтова Адиләгә тиңнәр булмады.Адиләне һәм  Айгөлне бу уңышлары  белән тәбриклибез, катнашучы һәркемгә, аларны әзерләгән укытучыларга  рәхмәт белдерәбез.

12 нче февральдә мәктәбебездә Хәрби-патриотик айлык кысаларында 1-9 нчы сыйныфлар арасында   Хәрби-патриотик  җыр конкурсы булды.

Конкурста 8, 9 сыйныф укучылары- “Мин яратам сине, Татарстан”, “Сәяхәтче җыры”;

5 нчеләр -“Три танкиста”, 6 нчылар –“Смуглянка”, 7 нчеләр  “У солдата выходной” җырлары белән чыгыш ясады. Башлангыч сыйныфлар исә “Солдатта булган, диләр”, “Әти дә солдат булган”  җырларын тамашачыларга тәкъдим иттеләр.

Җырларны башкару осталыгы буенча 5, 6 нчы сыйныфлар; ә сәхнәләштерелгән җыр номинациясендә 7 нче сыйныфларга тиңнәр булмады. Башлангыч сыйныфлардан 2 нче сыйныф укучылары иң оста башкаручы булды. Катнашучыларны уңышлары белән тәбриклибез!

12 НЧЕ ФЕВРАЛЬ КӨННЕ МӘКТӘБЕБЕЗНЕҢ ХОККЕЙ КОМАНДАСЫ ФОМА АВЫЛЫНДА СОВЕТ ГАСКӘРЛӘРЕНЕҢ ӘФГАНСТАННАН ЧЫГАРЫЛУЫНА 25 ЕЛ БУЛУГА БАГЫШЛАНГАН АВЫЛ МӘКТӘПЛӘРЕ АРАСЫНДА АЛКАЛЫ ХОККЕЙ ЯРЫШЫНДА ӘФГАНЧЫЛАР ПРИЗЫНА УЙНАДЫ.  ГОМУМИ ЗАЧЕТ БУЕНЧА КОМАНДАБЫЗ 3 НЧЕ УРЫНГА ЛАЕК БУЛДЫ. КАПКАЧЫБЫЗ МУРТАЗИН МАРАТ “ИҢ ЯХШЫ КАПКАЧЫ” ИСЕМЕН ЯУЛАДЫ ҺӘМ ӘФГАНЧЫЛАРНЫҢ МАХСУС ПРЕМИЯСЕНӘ ЛАЕК  БУЛДЫ. ҖИҢҮЧЕЛӘРНЕ ЧЫН КҮҢЕЛДӘН КОТЛЫЙБЫЗ!

БЕЗ СЕЗНЕҢ БЕЛӘН ГОРУРЛАНАБЫЗ!

10 нан 15 нче февральгә кадәр мәктәбебездә “Рус теле һәм әдәбияты атналыгы” игълан ителде. Дүшәмбе көнне атналыкны ачу тантанасында укучыларга “Это интересно” исеме астында кызыклы сорауларга җавап табарга кирәк булды. Ә 11 көнне 8 һәм 9  нчы сыйныф командалары катнашында “Кто хочет стать миллионером” уены уздырылды. Уен программасы  “Путешествие в город Литературск” дип аталды һәм сәяхәт маршрутында рус поэзиясе, рус әдәбиятында хикәяләр, рус әкиятләре, рус язучылары  дигән пунктлар үтелде. Уенның гомуми нәтиҗәләре буенча 9 нчы сыйныф укучылары җиңү яулады. Җиңүчеләрне котлыйбыз!

8 нче февраль көнне 7-9 сыйныф укучылары “Мәдәният һәм яшүсмер” дип аталган анкета сорауларына җавап бирде. Сораштыру Мәдәният елы кысаларында авыл мәдәният йорты белгечләре белән берлектә уздырылды. Укучыларның җавапларында аларның мәдәни чаралар белән кызыксынулары, мавыгулары, дәрестән тыш өстәмә әдәбият укулары, телевидениенең яшүсмерләргә тәэсире чагылыш тапты. Җаваплардан укучыларның  кинотеатрлар, музейларда  була алмаулары өчен  борчылулары да чагылыш тапкан.

4/02/14-мәктәбебездә Н.Крупская исемендәге премия лауреаты, Татарстанның атказанган укытучысы, остазыбыз Ф.С. Хәмитов истәлегенә авыл мәктәпләре арасында алкалы хоккей буенча район ярышы узды. Ярышта  Кизләү, Фома, Киекле, Иглай, Чулпан авылы мәктәпләреннән килгән яшь хоккейчылар көч сынашты. Кизләү мәктәбенең  2 командасы да үз яшьләрендә беренче урынга лаек булды.

Мәктәбебездәге хоккей турниры турындагы материалларны Нурлат ТВ видеоархивында “Его имя вдохновляет на победу” исеме астында карый аласыз. Район газетасында бу ярыш турында И. Мөбарәкшинның “Мөгаллим кубогы хуҗаларда калды” исемле язмасы басылды (№9 (10440), җомга 7 февраль).

Мәктәбебезнең хоккей командасындагы уенчыларны чын күңелдән зур уңышлары белән тәбриклибез! Без Сезгә ышанабыз, Без Сезнең белән горурланабыз! Булдырдыгыз, афәрин!

27 нче гыйнвар көнне мәктәбебездә Мәдәният елы кысаларында җирле шагыйрәбез Гөлүсә Нугаева һәм авыл китапханәчесе Зилә Билданова белән күңелле очрашу узды.  Очрашуда катнашкан һәркем үзен кызыксындарган сорауларын җирле шагыйрәләребезгә бирә алды. Иң кызык сорауларны "Яшь иҗатчы" түгәрәгенә йөрүче укучылар бирде. Гөлүсә һәм Зилә апаларның хәер-фатихасы белән әле укучыларыбыз арасыннан да өметле каләм тибрәтүчеләр чыгар, иншалла. Шундыйлардан З.Колмөхәммәтов, А.Исмоиловаларның иҗади эшләре К.Булатова премиясенә уздырылучы конкурска тәкъдим ителде.

18 нче гыйнвар көнне  мәктәптә  сыйныфларда ата-аналар җыелышлары узды. Сыйныф җитәкчеләре әти-әниләр белән тренинглар үткәрде, файдалы темаларга докладлар ясады. (“Балаларны мактау һәм җәза бирү”, “Өй эшләрен бергәләп...”, “Бала-өйдәге кояш”, “Тәрбиядә вак нәрсә юк” һ.б.)  Җыелышта  барлык әти-әниләрнең  95 % катнашты. Мәктәп эшчәнлеге, укыту-тәрбия барышыннан барлык әти-әниләр канәгать булуларын әйттеләр, бигрәк тә,  җылы туалет булу сөендергәнен билгеләп үттеләр. Ата-аналарны авылдагы сукбай этләрнең күплеге борчый, бу мәсьәлә буенча авыл җирлеге башлыгына мөрәҗәгать язарга карар кылынды.

Каникул чорында  мәктәптә, балаларның ялларын файдалы оештыру максатыннан , төрле түгәрәк шөгыльләре, интеллектуаль уеннар, саф һавада уеннар, кышкы табигатькә экскурсияләр оештырылды.