Бүген мәктәптә чыгарылыш классы укучылары өчен соңгы звонок шалтырады. Бакчаның зурлар һәм мәктәпкә әзерлек төркеме балалары, тәрбиячеләр бу чарада катнаштылар.

Бүген "Чисталык икеайлыгы" кысаларында бакча территориясендә агач утырттык.Барлыгы 15 төп чыршы,4 төп миләш, 4 төп юкә һәм балан агачлары утыртылды.

Бакчада ремонт эшләре тәмамланып килә.Бакча танымаслык булып үзгәрде. Уен, йокы, юыну бүлмәләре якты, матур, санитар таләпләргә туры килә.

Бүген Бөек Җиңү бөйрәме уңаеннан  митинг булды. Һәр елдагыча бакчаның зурлар һәм мәктәпкә әзерлек төркеме балалары ветераннарны котлап чыгыш ясадылар, бакча коллективы исеменнән чәчәкләр салынды.

Бакчада ремонт дәвам итә. Эчке эшләр тәмамланып килә.Бакчаның фасады яңартыла.

Иске Карамалы авыл мәдәният  йортында район күләмендә  "Каюлы читек" сюжетлы биюләр конкурсы узды. Конкурста безнең бакча балалары да уңышлы чыгыш ясадылар, дипломга лаек булдылар.

Бөенк шагыйрь Габдулла Тукайның тууына 130 ел тулу уңаеннан бакчада бәйрәм иртәсе булды.Тукай әкиятләре геройлары катнашында узган бәйрәм балаларга бик ошады.

Бакчада өмә булды.Ремонт чүпләрен җыештырып түктек, карт агачларны кистек, чәчәклекләрне тәртипкә китердек.