Клоуннар чыгышын балалар бик яратып карадылар. Тәрбияче Тимеркаева Г.Т. һәм кече тәрбияче Баязитова Л.М. бу рольләрне бик оста башкардылар.

Яңа ел тамашасында Убырлы( кече тәрбияче Нәбиева Г.М.) һәм Шүрәле(кече тәрбияче Таҗиева Г.Д.) . 

Яңа Карамалы авылы "Каенкай" балалар бакчасы балаларының бәйрәмдәге чыгышы.

Мәктәпкә әзерлек төркемендә "Хуш киләсең, Яңа ел!" дигән бәйрәм кичәсе узды.Кыш бабай белән Кар кызы бик күп уеннар, сюрпризлар һәм әлбәттә инде күчтәнәчләр белән килгән иде. Һәр бала үзенең һөнәрен күрсәтте, уеннарда катнашты. Бәйрәмгә кунакка Яңа Карамалы авылы "Каенкай" балалар бакчасы балалары да килгән иде. Алар күчтәнәчкә "Чуртан кушуы буенча" әкиятен һәм "Карамельки" ансамбле чыгышын алып килгәннәр иде.Балаларның чыгышы көчле алкышларга күмелде.Ансамбльне оештыручы бакча мөдире Хаджанова Роза Николаевнага Кыш бабай уңышлар теләде, балаларга бүләкләр тапшырды.

Бүген кечкенәләр төркемендә Чыршы бәйрәме булып үтте.Бәйрәмгә Кыш бабай, Кар кызы белән бергә Куян, Төлке дә килгән иде. Урман җәнлкеләре белән бергә балалар уеннар уйнадылар, Кыш бабайга шигыръләр сөйләделәр, рәхәтләнеп күңел ачтылар.

Бүген Уртанчылар төркемендә көтеп алган Яңа ел бәйрәме булды.Балалар Убырлы, Шүрәле катнашында Яңа ел тамашасы карадылар. Кыш бабай белән Кар кызы да балаларны котларга күчтәнәчләр белән килеп җиттеләр. Балалар бик матур итеп чыгыш ясадылар.Кыш бабай конкурсларда катнашкан иң актив әти-әниләргә бүләкләр тапшырды. 

Декабрь башында башланып киткән "Яңа ел бизәкләре" конкурсында әти-әниләр бик актив катнашты.Балалар белән бергә ясаган эшләрне бүлмәләрне бизәү өчен кулландык.Конкурска нәтиҗәне Кыш бабай белән Кар кызы ясаячак.

Бүген "Күбәләк" балалар бакчасында база балалар бакчалары  тәрбиячеләре арасында "Ел тәрбиячесе - 2016" конкурсының сайлап алу туры узды.Безнең бакчадан уртанчылар төркеме тәрбиячесе Фәтхетдинова Гөлнара Марсель кызы катнашты.Ул уртанчылар төркемендә "Әтәч үзенең гаиләсе белән" дигән интегральләшкән бердәм белем бирү эшчәнлеге күрсәтте.Кокурсның икенче өлешендә тәрбиячеләр үзләренең эш юнәлеше буенча "Иҗади лаборатория"ларын якладылар.

Бакчада Яңа ел бәйрәменә әзерлек эшлзре башланып китте. Әти-әниләр "Яңа ел бизәкләре" конкурсына әзерләнә, ә балалар тәрбияче апалары белән бергә бүлмәләрне бизиләр.

Әти-әниләр арасында "Кошларга - җимлек" конкурсы игълан ителгән иде.Кокурс бик актив барды.Барлыгы 20 әти-әни катнашты.Конкурска куелган эшләр зур тырышлык белән күңел җылысы биреп эшләнгән.Берсеннән-берсе матур, зәвыклы итеп ясалган җимлекләр арасыннан иң яхшыларын сайлап алу жюрига бик авыр булды.Конкурс нәтиҗәләре Яңа ел бәйрәмендә игълан ителәчәк.