Зурлар төркемендә "Сөмбеләне кем белә?" дигән тема астында бәйрәм иртәсе узды. Бәйрәм иртәсен беренче квалификациягә ия булган төркем тәрбиячесе Чернова Рәмзия Мирзагали кызы, музыка җитәкчесе Заянова Ландыш Рафис кызы алып барды. Бәйрәм иртәсе шуның белән үзенчәлекле булды, балалар бәйрәмне ике телдә-рус һәм татар телендә алып бардылар. Бәйрәм азагында тәрбиячеләргә, музыка җитәкчеләренә ата-аналар зур рәхмәтләрен җиткерделәр.

Икенче кечкенәләр төркемендә "Көз бездә кунакта", дигән тема астында бәйрәм иртәсе узды. Бәйрәмгә кунак итеп әти-әниләр чакырылды. Бәйрәм җыр-бию, кызыклы уеннар, төрле сюрпризлар белән үрелеп барды. Бәйрәмне  төркем тәрбиячесе Шәрафетдинова Гүзәлия  Фәнис кызы, бакчаның музыка җитәкчесе Заянова Ландыш Рафис кызы алып бардылар.

Бүген балалар бакчасында уртанчылар төркеме балалары белән Миннегалиева Фиразия Хәнәфетдин кызы, УМК-ның "Туган телдә сөйләшәбез" методик кулланмасыннан, халык авыз иҗатына таянып, "Безнең яраткан апабыз", дигән тема астында бакча күләм ачык бердәм  белем бирү эшчәнлеге  күрсәтте.

18 октябрь көнне балалар бакчасы участогында өмә ясадык. Балаларның уен мәйданчыкларын яфраклардан арындырдык. Бардер кырларын себердек, корыган чәчәкләрне җыеп алдык.