Муса Җәлил-балаларның якын дусты" 4-7 яшьлекләр белән М. Җәлилне искә алу эшчәнлеге узды. Максат: М. Җәлилнең тормыш юлы, аның иҗаты бн таныштыру. Шигырьләр сөйләү, көйгә салынган шигырьләрен җырлау. Бурычлар: Шагыйрьгә карата ярату хисләре уяту, игътибарлылык, сүз байлыкларын үстерү, аларны активлаштыру, балаларның М. Җәлил турындагы белемнәрен тулыландыру.

Мәктәпкә әзерлек төркем балалары табигать почмагында эшләүләрен дәвам итәләр. Бүген  балалар белән бергәләп суган утыртылды. Алар суганның тишелеп чыкканын күзәтәчәкләр.

Мәктәпкә әзерлек төркемендә балалар сәдәф тегәргә өйрәнделәр, тиешле озынлыктагы җепне кисеп алып инәгә саплау күнекмәләрен камилләштерергә, җепне төйнәргә өйрәнделәр.

Уртанчылар төркемендә "Тиен" темасына кисеп-ябыштыру эшчәнлеге. Балалар традицион булмаган ысул белән тиен образын ясарга өйрәнделәр.

Мәктәпкә әзерлек төркеме балаларында эш яратып үсү теләге уяту максатыннан хезмәт тәрбиясе узды. 

Икенче кечкенәләр төркемендә рәсем эшчәнлегендә балалар кояш рәсеме ясадылар.Балалар кояш образын төс ярдәмендә рәсемдә күрсәтергә өйрәнделәр, түгәрәк форманы тирә-яктагы предметлар белән чагыштырдылар.

Мәктәпкә әзерлек төркемендә "Солдат сакта" темасына әвәләү эшчәнлеге узды.  Ватанны саклаучылар көне бәйрәме турында балаларның белемнәрен киңәйттек, кеше фигурасын ясау техникасын ныгыттык.

Беренче кечкенәләр төркемендә "Карлы урам" исемле уртак эш башкарылды. Шөгыль барышында балаларның буяулар белән эш итү күнекмәләре ныгыды. Эшчәнлек шулай ук кечкенәләрнең кыш темасына сүз байлыгын баетырга ярдәм итте.

Мәктәпкә әзерлек төркем балалары бүген шәфкать туташының бүлмәсенә экскурсиягә керделәр. Шәфкать туташына кирәкле кораллар белән таныштылар.

Уртанчылар төркемендә режим моментларында төрле, кызыклы  өстәл-басма уеннарына, табигать материалларыннан кул эшләре ясарга өйрәнүгә зур игътибар бирелә. Әлеге эшчәнлекләр балаларның уйлау, фикерләү сәләтләрен һәм фантазияләрен үстерүгә ярдәм итә.