Г.Тукай иҗатына багышланган ТР укучылары һәм укытучылары арасында "Илһам чишмәсе" исемле 3 нче республика әдәби-иҗат бәйгесендә математика укытучысы Мурзина С.Н. һәм аның кызы Мурзина И.Ә. дипломга лаек булдылар һәм аларның шигырьләре "Илһам чишмәсе" исемле китапка кертелде.

9 нчы май көнне безнең мәктәп командасы Мөслимдә уңышлы чыгыш ясады.

"Хәвефсез тәгәрмәч-2013" конкурсының район турында "Светофор" командасы сынатмады.

Укучылар Болгарда экскурсиядә булып кайттылар. Тарихи урыннар турында бик күп мәгълүмат тупладылар.

26 нчы апрель көнне "Мизгел" яшьләр үзәгендә сөекле шагыйребез Г.Тукайның туган көненә карата Шигырь бәйрәме үткәрелде. Укучыбыз Шамс Айдар "Иң оста шигырь сөйләүче" номинациясендә җиңү яулады. Айдарга иҗади уңышлар телибез.(Укытучысы-Хәкимова Г.Ш.).

8 класс укучысы Фаррахова Гүзәл, "Илебез тарихында гаиләм язмышы" фәнни-тикшеренү эшләре конкурсында катнашып, республика күләмендә 3 нче дәрәҗә дипломга ия булды. Җитәкчесе -Хәкимова Г.Ш.

Мәктәбебез укучылары сугыш ветераны Шәрипов Ә. һәм авиация полковнигы Шафиков Р. белән очраштылар. Үзләрен кызыксындырган сорауларга җавапларлар алдылар.

1-11 классларда Парламент сәгатьләре үткәрелде.

Талантлы балаларның  "Яшь бөреләр" район фестиваленең "Күмәк бию" номинациясендә  бию коллективы ( "Каз канаты" биюе өчен)  2 нче дәрәҗә лауреат исеме яулады.

"Туган телем-шагыйрьләр теле" республикакүләм фәнни-эзләнү конференциясендә 7 класс укучысы Җәлилова Алсу 3 нче урынны алды. Укытучысы Хамматуллина Р.М.