Кызлар, әниләр, әбиләр! Сезнең барыгызны да язның беренче бәйрәме белән котлыйбыз. Сезгә иминлек, бәхет,шатлыклар телибез.Илләр имин булсын! Дөньялар тыныч булсын! Барыгыз да рәхәт яшәгез!

Мәктәптә ата-аналар җыелышы үтте. "Балаң ялганлашамы?" дигән темага Мухамадиева А.Ф. , ГИА турында Шакирянова З.Ә.чыгыш ясадылар.Көнүзәк мәсьәләләр буенча мәктәп  директоры Минныразиев И.М. чыгыш ясаганнан соң, әниләр өчен "Ягез әле,кызлар!" конкурсы  егетләр генә катнашындагы концерт номерлары белән үрелеп барды.

9 нчы сыйныф укучысы Насретдинова А. рус теленнән олимпиаданың республика турында призер булды. Укытучысы Фаррахова Р.Г. Азиләгә яңадан -яңа уңышлар телибез.Булдырдың!!!

Рус теле һәм әдәбияты укытучысы Гайсина Р.З. " «Русский язык и русская культура в полиэтническом пространстве: теоретический и прикладной аспекты» дигән республикакүләм фәнни-практик конференциядә катнашып, чыгыш ясады.

Мари Бүләр мәктәбендә үткәрелгән ату ярышында Шамс А. һәм Мурзина С.өченче урынны алдылар. Мәктәп командасы икенче урында калды.

Мәктәптә "Аҗаган" уены оештырылды, хәрби-патриотик уеннар уйналды; соңыннан һәйкәлгә венок салынды.

Математика укытучысы Мурзина С.Н. беренче турны үтеп, финал ярышларында  "Табигать-математика фәннәре укытучылары" номинациясендә җиңү яулады. Укытучыбызны зур җиңүе белән котлыйбыз! Аңа яңадан-яңа уңышлар, гаилә бәхете, сәламәтлек телибез.

Мәктәп буенча шахмат ярышында Холбутаева Н., Солтанов А. лар беренче урынга чыкты.

14 нче февраль көнне мәктәптә “ Мәктәп китапханәчесенең фәнн- эзләнү проект эшчәнлеген оештырудагы роле” дигән темага район мәктәпләре китапханәчеләре семинары үтте.

Семинарда мәктәп китапханәчесе Суфиянова Р.М. үзенең тәҗрибәсен яктыртты.

 Татар теле, әдәбияты һәм инглиз теле укытучысы Хамматуллина Р.М. татар теле, әдәбият һәм инглиз теле дәресләрендә үзенең проект эшчәнлеген ничек оештыруы турында сөйләде.

8 класс укучысы Җалилова Алсу шагыйрь Ф.Кәрим иҗатына багышланган фәнни

-әзләнү эше буенча үз проекты белән таныштырды.

Язучы, шагыйрь Ф. Сафин иҗатына багышланган кичә күрсәтелде.

Укучылар Әфганстанда хезмәт иткән Исмагыйлов Гаяз белән очраштылар. Үзләрен кызыксындырган сорауларга җаваплар тыңладылар.Соңыннан Әфган җирендә һәлак булган якташыбыз И.Фарррахов, Әфганстанда хезмәт итеп кайткан якташларыбыз каберенә дә венок салдылар.