Кичә, ягъни 30 октябрь көнне, башлангыч сыйныфлар арасында " Күңелле стартлар" үткәрелде. Программада ГТО элементлары кулланылды. Балалар үзләреннән бик кәнагать калдылар.

Бу атнада укучылар " Көзге бал"га багышланган стенгазетларын чыгарды, яшелчә, җиләк-җимешләрдән төрле күргәзмәләр ясады. Актив укучылар грамоталар белән бүләкләнде. Югары сыйныфлар арасында "Көз- юморист"   темасына зирәкләр-тапкырлар-җитезләр  арасында ярыш оештырылды. Беренче урында 10 һәм 9 нчы сыйныфлар, икенче урын 8 нче сыйныфлар, өченче урын 11 нче сыйныфлар арасында бүленде. 11 ләрнең Ахметзянов Инсаф башкаруында җырлары, 10 ннарның Халиуллина  Ләйсәннең рэп башкаруы, Хабриев Ниязның гитарада уйнавы,9 ларның заманча " Шалкан"  әкиятен зур осталык белән башкарулары, 8 ләрнең "Витаминнар бакчасы"   истә калырлык булды.  

Бу атнада мәктәптә көзге уңыш бәйрәмнәре гөрләде. укучылар яшелчәләрдән күргәзмәләр ясады, стена газеталары чыгарды, иң тырышып эшләгәннәр грамоталар белән бүләкләнде. 

23 октябрь көнне 5-7 сыйныф укучылары арасында уңыш бәйрәменә карата, ашамлыклар темасына   " Башваткыч " уены оештырылды. Уенны 6 нчы сыйныф укучысы Ганиев Инсаф алып барды. Киеренке көрәштә беренче урынны 7 нче сыйныф, икенче урынны 5 нчы сыйныф, 3 нче урынны 6 нче сыйныфлар бүлеште. 

"Наркотикларсыз тормыш " айлыгында гомуммәктәп линейкасы, класс сәгатьләреуздырылды.

"Наркотикларсыз тормыш " айлыгы кысаларында мәктәп беренчелегенә баскетбол ярышлары булды.

Хезмәт һәм мәшгульлек үзәге үткәргән  " Киләчәккә билет"  сочинениеләр конкурсында  9 нчы сыйныф укучысы Хәйруллина Алия Рәдис кызы " Минем булачак профессиям" номинациясендә 1 нче урынны алды. Аның эше республика турына җибәрелде. Котлыйбыз!

8-18 октябрьдә үткәрелгән гомумреспублика күләмендә үткәрелгән өмәдә безнең мәктәп актив катнашты. Барлык мәктәп территориясе тәртипкә китерелде. Җыенда 5-11 сыйныфлардан 113 укучы катнашты.

Укытучы!

Синдәдер ул йөрәкләрнең иң олысы,

Синдәдер ул йөрәкләрнең иң җылысы,

Һәркөн сиңа ничә сабый карап тора,

Алар сине әниседәй якын күрә.

Еласалар, син аларны юатасың,

Боексалар, син аларны уйнатасың,

Сөйләшәсең күңелләрен аңлап кына,

Орышасың кайчагында җайлап кына.

Үз улыңдай, үз кызыңдай якын күреп,

Укытасың ничә буын балаларын.

Киткән чакта мәктәп белән саубуллашып.

Елый-елый озатасың син аларны.