Башлангыч сыйныф укучылары арасында укуыларның зирәклеген, тапкырлыгын ачыклау максатыннан " Табышмаклар илендә" һәм космонавтика көненә багышлап " Башваткыч " дигән уен чаралары үткәрелде. Укучылар зур активлык күрсәттеләр.

Мәктәп күләмендә " Зирәк тиен - 2014" конкурсы үткәрелде. 21 укучы әлеге конкурста актив катнаштылар.

Башлангыч сыйныф укучылары катнашында "Яз бәйрәмнәре. Шигырь һәм моң сөючеләр" дип исемләнгән бәйрәм чарасы үткәрелде. Сәхнәдә сәнгатьле шигырь сөйләүчеләр, җырчылар үз осталыкларын күрсәттеләр. Әлеге бәйрәм чарасы " Уку кирәк һәркемгә" җыры белән тәмамланды.

Башлангыч сыйныф укытучыларының чираттагы методик берләшмә утырышы узды. Укытучылар 1, 4, 5нче сыйныфларда ачык дәресләр күрсәттеләр.  Соңыннан киңәшмәдә укыту - тәрбия процессында алда торган проблемалар һәм бурычлар хакында сөйләшенде. 

Башлангыч сыйныф укучылары тарафыннан " Оста кулларга һәрвакыт эшләсәң эш табыла " - кул эшләре күргәзмәсе оештырылды. 3, 4нче сыйныфларда ата - аналар җыелышлары үткәрелде.

Буген линейкада 1-4нче сыйныф укучылары " Без - замана баласы " дигән чыгыш белән башлангыч сыйныфлар атналыгын ачып җибәрделәр. Дәресләрдән соң " Кошлар - җирнең канатлы бизәге" - бәйрәм чарасы һәм " Әтәч - Кызыл Кәпәч" дигән әкиятне сәхнәләштереп күрсәттеләр.    

Бүгеннән мәктәп укучылары   язгы каникулга китте. Каникул көннәре 1 апрельгә кадәр дәвам итә.

Бүген мәктәпнең актлар залында "Сабантуй" һәм "Казан утлары" журналы  делегациясе: Алмаз Хәмзин, Алмаз Гыймадиев, Алия Хәмзиналар белән очрашу булды.  Балаларга концерт программасы күрсәтелде, һәркем  бүләккә газета журналлар алды. Алия Хәмзина үзенең    "Уку кирәк" җыры  минусовкасын балаларга бүләк итеп китте.

Бүген мәктәп укучылары Бөтендөнья шигърият көнен билгеләп үтте.

Фән һәм мәгариф министры  Фаттахов Энгель Нәвап улы бездә кунакта булды. Ул кабинетлар белән танышты, укучылар һәм укытучылар белән әңгәмә корды.