Бүген Ватан Геройлары көне! 2007 елдан  РФ Дәүләт Думасы кабул иткән карар нигезендә, 9 нчы декабрь көнне,  Россиядә  ел саен  Россия  Геройлары белән бергә Советлар Союзы, Социалистик Хезмәт Геройларын, Изге Георгий һәм Дан орденнары кавалерларын хөрмәтлиләр. Безнең мәктәп тә әлеге чаралардан читтә калмый. Бүген һәр сыйныфта тематик сыйныф сәгатьләре үтте, "Кыю йөрәкләр" яшь армиячеләре исемлегенә тагын 2 укучы өстәлде, яшь армиячеләр авыл җирлеге белән берлектә һәйкәлгә венок кую чарасында катнаштылар.

Бүген башлангыч сыйныф укучылары районыбызда яңа оешкан "Кайбыч ягы музее"на экскурсиягә бардылар. Әлеге экскурсия укучылар өчен кызыклы да,  файдалы да булды. Шулай итеп, "Укучының мәдәни көндәлеге" тагын бер вакыйга белән тулыланды. 

Көз аеның соңгы көне безнең мәктәп өчен уңышлы булды! 30 ноябрь көнне, "Салават күпере" спорт-сәламәтләндерү комплексында  5-9 нчы сыйныф укучы егетләре арасында Кайбыч муниципаль районы Беренчелегенә  баскетбол ярышлары узды. Әлеге ярышта безнең егетләр, инде 3 нче ел рәттән  беренчелекне яулап, күчмә кубокны үзебездә калдыру бәхетенә ирештеләр. Афәрин егетләр! Без сезнең белән горурланабыз! 

Укучыларыбыз кулланылган батарейкаларны җыеп тапшыру акциясендә теләп катнаштылар. Экологик тәрбия бирү юнәлешендә оештырылган әлеге эштә мәктәпнең иң актив укучысы булып 2 нче сыйныф укучысы Илназ Галиуллин танылды. 5-8 нче сыйныф укучылары арасында беренчелек  7 нче сыйныф укучысы Илфир Шагиәхмәтовтә. Афәрин укучылар!  

Урамда салкын һава торышы урнашты. Кар булмаса да, кыш җитүе үзен хәйран гына сиздерә. Ә кыш безнең укучыларның яраткан ел фасылы, чөнки кыш көне хоккей уйнарга, бозда шуарга була. Шуна укучылар мәктәп шугалагын катыра башладылар да инде. Чиратлашып, дәресләрдән сон шугалакка су агызалар. Аларга бу эштә авыл яшьләре дә ярдәмгә килә. 

Ноябрь аеның соңгы якшәмбесе  - "Аналар көне" буларак билгеләп үтелә.  Әлеге матур бәйрәм 1998 нче елдан Россия Федереациясе Президенты В.В.Путинның указы нигезендә уздырыла. Шул уңайдан барлык АНАларны бәйрәм белән котлыйсы килә. Кадерлеләребез, күгегез гел аяз һәм тыныч булсын. Бала хәсрәтләре күрми, балаларыгызның бәхетен һәм рәхәтен күреп яшәргә язсын Сезгә!

В рамках реализации мероприятий по развитию региональной системы оценки качества образования, в целях выявления уровня предметной обученности обучающихся по программам основного общего образования, в том числе с использованием специализированного программного обучения (8 классы, английский язык, математика, история) 12 - 13.11.2019 планируется проведение диагностического тестирования обучающихся 8 класса по английскому языку, истории и математике.

Сегодня в музее Галии Кайбицкой состоялась торжественная церемония вручения паспортов юным гражданам Российской Федерации «Я – гражданин России! Мин – Татарстан баласы!». В ней принял участие Глава муниципального района Альберт Рахматуллин. Юнармейцам отряда "Кыю йөрәкләр", ученицам 8 класса Сайфутдиновой Зарине и Сибгатуллиной Язиле паспорта вручил  Глава района Альберт Ильгизарович. Мы поздравляем наших девочек  и желаем им всегда и везде гордо носить звание гражданина России, честно выполнять свои гражданские обязанности, хорошо учиться. 

Татарстан Республикасы Конституциясен кабул итү көне 1992 елдан башлап билгеләп үтелә. Бу бәйрәм республика Төп Законының аерым әһәмиятен, дәүләтнең һәм җәмгыятьнең законлылыкны һәм хокук тәртибен ныгытуга омтылышын гәүдәләндерә. Быел Конституциябез үзенең 27 еллыгын билгеләп үтә. 

Һәр бәйсез дәүләтнең үз Конституциясе була. Конституция — төп закон ул. Анда дәүләтнең иҗтимагый, икътисадый корылыш нигезләре, гражданнарның хокуклары һәм бурычлары билгеләнгән. Татарстан Республикасы Конституциясе 1992 нче елның 6 нчы ноябрендә кабул ителгән. Конституциядә әйтелгәнчә, Татарстан — демократик дәүләт. Анда барлык хакимият халык кулында. Җир, су, урман һәм башка табигать байлыклары, дәүләт бюджеты акчалары, дәүләт банклары активлары, мәдәни һәм тарихи хәзинәләр — бөтенесе халык байлыгы. Хөрмәтле татарстанлылар, райондашлар барыбызны да шушы уртак бәйрәмебез белән котлыйбыз!

4 ноябрь – Халыклар бердәмлеге көне. “Бердәмлек“ төшенчәсе туплану, берләшү мәгънәсенә ия. Халкыбызга элек-электән хас сыйфат бу. Нәкъ менә бердәмлек, татулык күп кенә авырлыкларны җиңеп чыгарга, дошманнарга каршы торырга ярдәм иткән, илебезнең тынычлыгына, мөстәкыйльлегенә китергән.

Бу көн – илебез тарихына хөрмәт белдерү һәм аның данлыклы традицияләрен дәвам иттерүнең бер күркәм билгесе. Дәүләт күләмендәге бу бәйрәм 1612 елгы тарихи вакыйгаларга барып тоташа. Халыкара бердәмлек көне буларак, 2005 елдан билгеләп үтелә.

Тарихта эз калдырган бу көннәрдә безнең ата-бабаларыбыз – төрле милләт, дин һәм төрле катлам вәкилләре – бер булып, уртак Ватаныбызны чит илбасарлардан азат иткән. Төрле милләт кешеләренең иң югары максатларга ирешү өчен берләшүе, Ватанга карата чиксез мәхәббәте һәм ватанпәрвәрлеге илебезгә тарих сынауларын җиңеп чыгарга ярдәм иткән. Барыбызны да Халыклар бердәмлеге көне белән чын күңелдән котлыйбыз!