Бүген бөек шагыйребез Габдулла Тукайның туган көне. Балалар бакчасында "Тукай һәм без" дигән рәсем күргәзмәсе оештырдык. Анда балаларның ясаган рәсемнәре урын алды.

Бүген Рәсүлгә 6 яшь.  Туган көне белән котлыйбыз!

Балалар бакчага теләп йөриләр. Алар белән бергәләшеп саф һавада күңел ачабыз.

Кайбыч районы оешканга 25 ел булды.  Шул уңайдан безнең "Сандугач" балалар бакчасында тәрбияләнүче  балалар белән әңгәмә, тәрбия сәгате узды. Алар бу чарада кызыксынып катнаштылар.

Без һәр көнебезне күңелле итеп үткәрәбез. Барыбыз бергә әкият геройларын кунакка чакырдык. Үзебез "Шалкан", "Табикмәк" әкиятләрен сәхнәләштердек. Бик күңелле булды.

Балалар белән берлектә тәрәз төбебездә язгы бакча ясадык.  Кояш үзенең нурларын ныграк җылыта. Безнең бакчабызда суганнар өлгерде. Бакчабыз безгә ямь бирә.

Табигатьтә  үзгәрешләр сизелә. Ерак җирләрдән безнең канатлы дусларыбыз - сырчыклар кайтты. Без аларны күптән көттек. Дусларыбызга матур итеп оялар да ясадык. Ояларыгызга рәхим итегез!

Көннең яктылыгы кояшта, күкнең матурлыгы йолдызларда, җир йөзенең гүзәллеге хатын-кызларда. Сезне шул җир йөзен бизәгән халыкара хатын-кызлар көне белән тәбриклибез!

Шушы бәйрәм көне, елмаеп баккан кояш матурлыгын, табигатьнең самимилеген өстәп, күңелегезгә шатлык, тәнегезгә сихәтлек, өегезгә иминлек алып килсен.

Бәйрәм белән сине, әнием,

Котлы булсын дөнья бәйрәмең!

Ямь өстәсен бәйрәмеңә тагын,

Бар яктылык көнгә әйләнеп.

Тырыш, назлы , гүзәл әнием,

Котлы булсын язгы бәйрәмең.

Быел бөек шагыйребез Габдулла Тукайга 130 яшь.  Тукайга багышланган  чарада балалар шагыйребезнең шигырьләрен  сөйләделәр һәм сәхнәләштереп тә күрсәттеләр.