Бүген -21 нче февраль. Һәр милләт, һәр халык өчен бәйрәм көн – Халыкара туган тел көне. Бу көн 2000 нче елда ЮНЕСКО карары нигезендә билгеләп үтелә башлады. Бүген дөнья халыклары 6 мең телдә сөйләшә. Һәркем өчен дөньядагы иң кадерлесе – беренче сөйләшә башлаган ана теле. Халыкара туган тел көнендә барлык телләр дә, тигез дип таныла.Без бүген балалар белән туган як, туган тел турында әңгәмә үткэрдек,шигырьләр укыдык,"Туган тел" җырын җырладык.

Тиздән - 23 февраль - Ватанны саклаучылар көне якынлаша. Гади генә әйтсәк – бабайлар, әтиләр, абыйлар, малайлар бәйрәме, батырлар һәм кыюлар көне. Безнең бабайлар, әтиләр без тыныч, мул тормышта яшәсен, бәхетле булсын өчен Ватаныбызны саклаган.Барлык әтиләребезне ,абыйларыбызны,бабайларыбызны  Ватанны саклаучылар көне белән котлыйбыз.

Муса Җәлил - олылар һәм балалар өчен бик күп әсәрләр иҗат иткән онытылмаслык бөек шагыйрь . Бүген-15 февраль –аның туган көне.  Бүген  бөек шагыйрьгә багышланган презентация белән безгә кунаккка библиотекадан Рузалия апа килде.Ул балаларга Муса Җәлилнең автобиографиясын сөйләде,шигырьләрен укыды.

Дидактик уеннар - балаларны уйланырга, эзләнергә, фикер тупларга, берләштерергә, күнекмәләрне, гадәтләрне тормышта кулланырга өйрәтүче һәм тәрбия бирүче көчле чараларның берсе.

11 февраль көнне бездә спорт бәйрәме булып узды..Барлык балалар бакчасындагы  хезмәткәрләр һәм балалар, мәктәп укучылары,укытучылар  катнашында чаңгы ярышлары оештырылды.Бик матур һава торышы күңелләрне күтәрде. Иң нәниләребез дә тамашачылар сафында басып абый -апаларына көч биреп тордылар.Җиңүчеләргә һәм барлык  сорт бәйрәмендә катнашучыларга авыл эшмәкәре Фәрит Зиннуров акчалата бүләкләр тапшырды.Бәйрәмдә катнашучыларны коймак белән кайнар чәй каршы алды.

Безнен тәрбиячебез Гарапова Г.Н  Казан шәһәрендә һөнәри белемен арттырып кайтты.

 Балалар белән кул моторикасын үстерү күнегүләре үткәрәбез.Максат итеп 1)Балаларның кул чуклары күнегүләре аша сәламәтлекләрен ныгыту,психологик халәт тудыруны куябыз;уеннар аша логик фикерләү сәләтләрен үстерү;уеннарга кызыксыну хисе тәрбияләү.

Кисәкләрдән картиналар төзү балаларның логик фикерләүләрен үстерүгә булышлык итә.Игътибарны,хәтерне үстерә.Безнең балалар дидактик уеннарны бик теләп уйныйлар.

Безнең ата-бабаларыбыздан рухи мирас белән бергә матди мәдәният өлкәсенә караган мирас та калган. Шундыйларның берсе — халыкның өс киеме. Өс киеменең бик борынгы төрләре, әлбәттә, безгә килеп җитмәгән. Ә инде җиткән кадәресе халкыбызның кабатланмас иҗади көчкә ия булуын күрсәтә. Без балаларыбызга милли киемнәр аша татар халкына ихтирам хисләрен тәрбияләргә торышабыз.Әниләр,дәү әниләр ярдәме белән кызларга татар кызлары киемнәре булдырдык.