Бүген барлык мәктәпләр дә фәннәр фестивалендә катнашты. Мәктәп укучылары тарих укытучысы Альбина Искандаровна җитәкчелегендә "Хәтерләүдән курыкма син, үткәннәрне онытма син!" дигән фәнни-тикшеренү эшен якладылар.

Бүген укытучылар төрле секцияләргә буленеп эшләделәр. Алар эш барышында үткән уку елына анализ ясап, яңа уку елына бурычлар билгеләделәр, түгәрәк өстәл артында үзара фикер алыштылар. 

Бүген район үзәгендә мәктәп җитәкчеләре август киңәшмәсенә җыелды. "Идарә итү компетентлыгы һәм профессиональ осталык - гомуми белем сыйфатының хәлиткеч факторы" дигән тема астында үткән түгәрәк өстәл бик җанлы һәм файдалы узды.

Мәктәп формалары парадында укучыларыбыз Адилә, Наил, Әмир һәм Миләүшә алдынгы урынга чыгып, район укытучыларының август конференциясендә мәктәпнең бердәм укучы киемен  тәкъдим итәчәк.

Ягулык сезоны ачылуга әзерлек эшләре җәй буе дәвам итә. Бүген- иртәгә районда Ростехнадзор тикшерүе  көтелә. Мәктәп хезмәткәрләре шул уңайдан газ котельныен  тагын бер тапкыр юып- чистартып,  агартып чыгардылар.   

"Китапка икенче тормыш бүләк ит!" акциясе кысаларында мэктэпне бик куп еллар элек тәмамлаган, озак еллар хокук саклау өлкәсендә хезмәт куйган Нәҗиев Марат Габдрахман  улы яңа уку елы алдыннан укучыларыбызга көтелмәгән күчтәнәч ясыды -  шэхси китапханэсеннэн берничә йөз китабын җибәрде. Бу китапларны укып, балалар күзаллауларын киңәйтерләр, белемнәрен артттырырлар. Марат абыйга зур рәхмәтләребезне белдерәбез!

Мәктәпне  яңа уку елына өлгертеп тапшыргач, укытучылар коллективы район мәгариф булеге боерыгы нигезендә педагогик хезмәткәрләрнең август конференциянә эзерләнә башлады. Гамәли- тематик чыгышлар, укучыларның мәктәп формасы, фән фестивале- төп игътибарны  шул юнәлешкә биреп эшлибез.

Мәктәбебез тагын да матурланып китте. Ике көн буе, бер минут ял да итмичә, эшчеләр  бригадасы яңа пластик тәрәзәләр куйдылар.    

Буген укытучылар Колангы жирлегендәге икмәк кабул иту пункты тирәсендә чәчәкләр утырттылар.

Район комиссиясе ике көн рәттән мәктәп, балалар бакчаларынын яңа уку елына әзерлек дәрәҗәсен карадылар. Безнең мәктәп тә төшеп калмады, комиссия составындагы директорлар  әзерлеккә югары   бәя бирделэр. Мәктәбебез укучыларын кабул итәргә әзер! Ремонт эшләрендэ катнашкан барлык хезмәткәрләргә дә зур рәхмәт!