С 4 по 12 декабря 2014 года в рамках международной акции «Всемирный Час кода» учитель информатики  Шихов И.В. провел «Час кода в России», приуроченный ко Дню информатики. Акция направлена на повышение интереса молодёжи к информационным технологиям, а также на инициирование и поддержку интереса к изучению информатики и программирования, повышение престижности ИТ-специальностей для молодых людей.

1 нче декабрьдән Халыкара инвалидлар көненә багышланган ункөнлек старт алды. Безнең мәктәп укучылары Федоровскоеда урнашкан картлар һәм инвалидлар йортында  концерт куеп кайтты. Сәйфетдинова Алсу Мансуровна җитәкчелегендә 2,4 сыйныф укучылары өлкәннәргә багышланган җырлар җырладылар, шигырьләр сөйләделәр,  рус телендә "Шалкан" әкиятен бик оста итеп сәхнәләштерделәр. Безне алар бик җылы каршы алдылар. Никадәр җылылык, шәфкатьлелек, сабырлык, итагатьлелек чагылганын күрдек без өлкәннәребезнең күзләрендә!  Алар безнең ярдәмне тоеп, безгә ышанып яшәргә тиешләр. Язмыш кимсеткән кешеләргә беркайчан да миһербансыз булмыйк!

ГТОның беренче нәтиҗәләренә инде йомгак ясалса да, укучылар моның белән генә канәгатьләнә алмады. Алар тагын да югары нәтиҗәләргә ирешү өчен мәктәп түгәрәкләрендә шөгыльләнүләрен дәвам итәләр. ГТО нормалары кертелү белән спортка мөнәсәбәт тагы да  җитдиләнде. Әйдәгез, барыбыз да спорт белән шөгыльләник!

Донецк һәм Луганск балаларына яңа ел уенчыклары һәм бүләкләре туплауда безнең мәктәп тә читтә калмады. Әлеге акциядә укучылар актив катнашты. Укучылар акциядә  тулы энтузиазм белән эшли башлаганнар икән, димәк, "Новороссиядә чыршы" күңелле һәм ихлас булачак. 

Бөек Ватан сугышы вакыйгалары торган саен ерагая бара. Тик ул вакыйгалар халык хәтереннән беркайчан да җуелмаячак. Чөнки сугыш илебезнең бер генә почмагына да, бер генә йортына да үзенең кайгылы кулы белән кагылмыйча калмаган.

Бүген  Билгесез солдат көне уңаеннан  мәктәптә тантаналы  линейка үтте. 5-9 сыйныфларда “Беркем дә, бернәрсә дә онытылмый” темасына сыйныф сәгатьләре үткәрелде. Башлангыч сыйныф укучылары  яу кырында ятып калган авылдашларыбыз истәлегенә чәчәкләр куйды. 

 8 – 9 нчы сыйныф укучылары бүген “Нәрсә ул РИШВӘТ? Аны ничек булдырмаска? Ничек “ЮК!” ди әйтергә?” дигән сорауга җавап эзләделәр. Төрле ситуацияләрне чишү өчен “баш ваттылар”. Ләкин бу сорауларга төгәл генә  җавап табу күпкә читенрәк. Фикер алышулар аларны түбәндәге нәтиҗәгә китерде:

Без, укучылар,  һәркайсыбыз – дәүләтебезнең бер гражданы һәм илебезнең киләчәге безнең кулларда. Бүген үк без икътисади, сәяси, хокукый чынбарлык турында гомуми күзаллау булдырырга, алга таба да алган белемнәргә таяна белергә, дәүләтебезнең законны саклап яшәвен тәэмин итәргә тиеш. Киләчәктә илнең дөньяда нинди урын  алачагы, нинди юлдан барачагы безгә дә бәйле булачак. Җәмгыять төзелеше ничек дип кенә аталмасын, гомумкешелек сыйфатлары: намус, җаваплылык, гаделлек мәңгелек булып кала. Бу сыйфатларга капма-каршы булган, гражданлык җәмгыяте үсешен тоткарлаучы ришвәткә каршы көрәш тә дәвам итә.

Ришвәтне җиңәргә мөмкин. Һич булмаса, аны кешеләр тормышына тәэсир итмәслек дәрәҗәдәге чиккә төшерергә була. Аның юлы – законнарны үтәп. Безнең яраткан илебез ирекле, тәртипле һәм җаваплы кешеләр кулында булырга тиеш. Шулай буласына без ышанабыз. 

Физика, информатика атналыгы кысаларында укучылар төрле сынаулар үтәләр. Бүген атналык планы нигезендә 9 нчы сыйныф укучысы Гибадуллин Алмаз бөек физиклар белән таныштырды. Аларның кайсы өлкәдә нинди уңышларга ирешүләрен аңлатты.

Башлангыч сыйныф укучылары, авыл хуҗалыгына караган һөнәрләр белән якыннан танышу максатында, яңача җиһазландырылган фермага экскурсия ясадылар. Элеккедән күпкә яңартылган биналар, заманча эш технологияләре аларда зур кызыксыну уятты. Гөлфизә апалары укучы балаларны сыер саву җайланмалары белән таныштырды, бозаулар карау осталыгына төшендерде. "Авыл хуҗалыгы тармагында югары нәтиҗәләргә ирешү өчен безгә белгечләр күп кирәк. Балаларыбыз авылның киләчәген истә тотып, дөрес юнәлеш сайларга тиеш",-  диде ул. Мәктәптә профориентация буенча максатчан эш алып барыла. Безнең алда укучыларда  кече яшьтән үк туган авылга, туган якка мәхәббәт, ватанпәрвәрлек  хисе, хезмәт кешесенә хөрмәт тәрбияләү бурычы тора.  Менә шул чакта без  үзебезнең балалар белән горурлана алачакбыз.

Менә алар- Гомумроссия фән олимпиадаларының мәктәп туры  җиңүчеләре!

Чыннан да, җир йөзендә анадан да кадерлерәк, анадан да якынрак кеше юк бит ул!

Без барыбыз да әниләргә рәхмәтле, чөнки безне  дөньяга тудырган, күзләребезне  ачтырган кеше ул. 

Синең тәүге тапкыр “әни” сүзен әйтүеңә дә, беренче кат йөреп китүеңә дә, әниең барысыннан да күбрәк  куана. Үсә төшкәч тә, синең өчен ут йотып, бәла-каза килсә, төннәрен йокламыйча, кайгыручы да, шатлык килгәндә, синең белән бергә шатланучы да – әни!
Әни! Әнием! Әнкәй! Күпме наз,  ярату бу сүзләрдә. Ул безнең дөньядагы иң кадерле кешебез!