Бүген 7-9 сыйныфларда Россия Федерациясе Финанс министрлыгының "2014 елның 5-6 сентябрендә белем йортларында финанс яктан белемлелек Көне үткәрү турында"гы ( 30.04.14 №1- Г/0414) хаты нигезендә финанс дәресләре узды. Пенсия фондының пенсия билгеләү бүлеге җитәкчесе Сөнгатуллина Гүзәлия Хәбир кызы укучыларга кирәкле мәгълүмат  җиткерү белән беррәттән аларны кызыксындырган сорауларга да җавап бирде.  

Мәктәптә куркынычсызлык айлыгы дәвам итә. Айлык кысаларында план буенча сыйныфларда тәрбия сәгатьләре уза, түгәрәк өстәл артында фикер алышулар үтә. Бүген 1, 3 сыйныфларда Тимуршин Фирдүс Рәшит улы балалар белән җанлы әңгәмә барышында аларга файдалы киңәшләрен бирде  һәм "Юлда йору кагыйдэлэре" дэфтэр-китапчыклар да  бүләк итте.  

Россия Федерациясе Мәгариф һәм фән министрлыгының 26.06.14 елның НТ-694/08 номерлы хаты нигезендә мәктәптә терроризм корбаннарын искә алу көне үткәрелде. Беслан шәһәрендә 10 ел элек булган  вакыйгаларга багышланган тематик дәрес барышында укучылар терроризмга каршы фикерләрен белдерделәр. 

Бүген мәктәбебездә Кайбыч Балалар һәм яшүсмерләр спорт мәктәбе җитәкчесе Юрий Михайлов булып китте. Ул балаларны ГТО нормалары белән таныштырып, физик әзерлекнең мөһимлегенә басым ясады. Бер уңайдан, 2-сыйныф укучысы Әмир Шаһивалиевка беренче разрядлы яшүсмер билгесен тапшырды. Әмир, киләчәктә дә уңышлар сиңа!

Мәктәптә Татарстан Республикасы Гражданнар оборонасы эшләре һәм гадәттән тыш хәлләр министрлыгы хаты нигезендә куркынычсызлык дәресләре үткәрелде. Мәктәп буенча  гомуми эвакуация сигналыннан соң,  юл- патруль службасы өлкән инспекторы Тимуршин Фирдус Рәшит улы укучы балаларга юл куркынычсызлыгы кагыйдәләрен искә төшереп, юлларда уяу - сак булырга чакырды.

"Минем кече Ватаным!" темасына багышлап үткәрелгән беренче дәрестә мәшһүр авылдашыбыз Сәлахов Мингалим Абзал улы катнашты. Ул С.Королев исемендәге космик тикшеренүләр институтында һәм Ю. Гагарин исемендәге фәнни-җитештерү берләшмәсендә эшләгән, Техник фәннәр кандидаты, Россиянең атказанган рационализаторы дигән исемнәргә лаек булган олы шәхес. Без аның белән хаклы рәвештә горурланабыз, аңа охшарга тырышабыз!

Яңа уку елы белән сезне, кадерле укучылар һәм укытучылар!

Бу  ел яңа ачышлар һәм күңелле мәшәкатьләр, шатлыклы дулкынлану һәм үз өстеңдә тырыш хезмәт белән тулып торсын!

Барыгызга да ныклы сәламәтлек, ккиләчәккә ышаныч, аяз күк йөзе телибез. 

Быелгы уку елыннан "Хезмәткә һәм оборонага әзер!" Гомумроссия физик культура-спорт комплексы Россия Федерациясе Президенты В.В.Путин Указы нигезендә яңадан кертелә.Шул уңайдан мәктәптә сыйныф сәгатьләре үткәрелде, "ГТО" Комплексына старт бирелде.

Кичә Кайбыч мәдәният йортында мәгариф хезмәткәрләренең август киңәшмәсе  пленар утырышы узды. Барлык алдынгылар да хөрмәтләнделәр.

Август конференциясеннән соң укытучылар тәүге киңәшмәгә җыелдылар. Узган елгы эшчәнлеккә нәтиҗә ясап, яңа уку елына максат һәм бурычлар билгеләнде.