Сегодня в школе дан старт  Всероссийской добровольческой  акции «Весенняя неделя добра – эстафета добрых дел #ДОБРЫЙТАТАРСТАН #МӘРХӘМӘТЛЕТАТАРСТАН» и  республиканскую акции «#Спортивный Татарстан».   

Бүген мәктәптә авылдашыбыз шагыйрь, публицист, укытучы, җәмәгать эшлеклесе Әбрар Сәгыйдинең тууына 121 ел тулу уңаеннан татар теле укытучысы Нәфыйкова Р.М. шигырь кичәсе үткәрде. Кичәдә укытучының кереш сүзеннән соң укучылар Әбрар Сәгыйдинең төрле елларда язылган шигырьләрен сөйләделәр. Шулай ук шагыйрь турында презентация күрсәтелде.

Бүген берничә дәрестән соң мәктәп коллективы һәм укучылар чираттагы өмәгә чыкты. Күпчелек укучыларыбыз Түбән Кошман авылы урамнарыннан, су буйларын чүп-чардан арындырдылар. Хезмәткәрләр баганалар агартты. 7 нче сыйныф укучылары мәктәп территорясен җыештырды. 

Мәктәптә бүген бу датага багышлап рәсемнәр күргәзмәсе оештырылды, сыйныф сәгатьләрендә космос һәм космонавтика турында видеороликлар, презентацияләр күрсәтелде, укучылар белән космонавтиканың тарихы, әһәмияте, бу өлкәдәге күренекле кешеләр турында әңгәмәләр үткәрелде.

Мәктәптә язгы эшләр башланды. Бүген 5 нче сыйныф укучылары шоссе буеннан чүп-чар җыйдылар. Калган укучыларыбыз һәм укытучыларыбыз мәктәп территориясендә эшләделәр.

2014 нче елның 1 нче сентябреннән мәктәпләрдә "Хезмәткә һәм саклауга әзер бул" (ГТО) дип исемләнгән Бөтенрәсәй спорт комплексы кертелә башлады. Шуннан бирле мәктәпләрдә нинди генә чаралар узмады. Массакүләм спорт ярышлары, кросслар, "Күңелле стартлар", "Президент ярышлары"....
Бүген дә мәктәбебездә чираттагы ярыш -"Күңелле стартлар" «Без ГТО га әзер!” акциясе кысаларында үтте. Башлангыч сыйныф укучылары өчен оештырылган бу бәйгене физкультура укытучысы Айдар Линарович оештырды.Балалар тавышыннан мәктәп иртәдән үк гөр килеп торды. Күңелләре көр, сәламәтлекләре нык булган балалар укуда да сынатмаслар дип ышанасы килә. Сәламәт яшәү рәвешен сайлыйк!

1 апрель –кошлар көне. Традиция буенча бу көнне 7 сыйныф укучылары арасында КВН булды. “Сандугач” һәм “Карлыгач” командалары төрле конкурсларда көч сынаштылар. КВН барышында, катнашучылар төрле биремнәрне үтәгәндә, “Җыр сәнгате” түгәрәгенә йөрүчеләр кошлар турында җырлар җырладылар, ә башлангыч сыйныф укучылары кошлар турында шигырьләр сөйләделәр. Ярыш “Сандугач” командасының җиңүе белән тәмамланды. 

Мәктәптә кошлар көненә әзерлек бара. 31 март көнне китапханәче Сабирова Г.Х. кошлар турында язылган китаплардан күргәзмә ясады. Укучылар кош рәсемнәре ясыйлар. Бу рәсемнәр шулай ук күргәзмәгә куелды. 

28 март көнне мәктәптә чираттагы педсовет булып узды. Анда түбәндәге мәсьәләләр каралды.
1. 3 нче чирек йомгаклары һәм алда торган бурычлар (Садриева Р.З.).
2. Тәрбия буенча чарлар үткәргәндә укучыларның креатив фикерләүләрен үстерү (Сабирова Г.Х.).
3. Төп дәүләт имтиханына хәзерлек (Хәмидуллин И.И.).
4. Төрлеләр.
Педсоветта һәр көн тәртибе буенча чыгышлар файдалы булды, фикер алышулар эшлекле шартларда узды. 

 19 март көнне 1 нче сыйныф укучылары һәм аларның әти-әниләре балачак иленең иң шәп бәйрәмнәренең берсе Әлифба бәйрәменә җыелдылар. Җир йөзендә кем генә булмасын, кайда гына хезмәт итмәсен, ул зул дулкынлану белән үзенең нәни кулларына тәүге тапкыр Әлифба алганын искә төшерә. Чөнки һәркемнең дә белем дөньясына аяк атлавы Әлифбадан  башланган. Димәк, Әлифба китабы озын гомерле, тирән мәгънәле, бәһасез байлык ул.

        Әлифбаны өйрәнгәндә балаларның барысы да укырга, язарга, матур итеп сөйләргә, хикәяләр төзергә, шигырьләр сөйләргә өйрәнгән. Бәйрәм барышында без шуларның шаһиты булдык. Алга таба да зур уңышлар телибез сезгә, беренчеләр!